Myaso 135:14 - Livulu lya Shukulu Kalunga

¹⁴ Shukulu Kalunga akamena vanu vendi, nakuzivila ngozi vangamba vendi.

Myaso 135:14 Iomraidhean Croise

1 Mizimbu 21:15

Asinoni Shukulu Kalunga watumine kangelo ngeci anyongese Yelusalema, oloni watengulwile viyongola vyendi, co wendekele kuli kangelo ngwendi, “Likele! Wapwisamo!” Kangelo wakele ku mutambela wa lijungwilo lya Alauna, kaNjevushi.

Myaso 50:4

Ikeye akasana lilu na asi kupwa vakaleo ngwe vanu ngeci vamone mwasompa vanu vendi.

Myaso 7:8

Shukulu Kalunga, yove lyaako wa vanu voshe. Njisompe nakuwana ngeci yange kunjesi na mulonga.

Myaso 90:13

Vukalu vwove vukahwa simbu mukajo yove Shukulu Kalunga? Tetela vangamba vove!

Myaso 96:13

ku mesho a Shukulu Kalunga, omwo aija nakusompa vanu voshe vali ano asi. Akasompa kaye na vanu mu vushunga.

Amose 7:3

Co Shukulu Kalunga watengulwile viyongola vyendi, co wendekele ngwendi, “Evi viwunamono kuvikalingiwa.”

Amose 7:6

Co Shukulu Kalunga watengulwile viyongola vyendi, co wendekele ngwendi, “Evi kuvikalingiwa lalo embwe.”

Yona 4:2

Co walombelele kuli Shukulu Kalunga ngwendi, “Yove Shukulu Kalunga, kuma omu kesi mukemwo munjendekele omo njakele kwimbo lyetu? Evi vikevyo vinjatewelele vwasi-vwasi ku Tashishi! Omwo njazivukile ngeci yove wapwa u Njambi wa ngozi na mema ku mbunge, kuwesi kuluvala vwasi, visimbu vyoshe u muka-kutetela na cizemo cije kucesi kutenguluka, simbu yoshe watava kutengulula viyongola vyove kujeneka kunyanyamesa.

Kwituluka mu Mashiko 32:36

Shukulu Kalunga akapatula vanu vendi, omo akamona ngeci nzili yavo inahu. Ikeye akakala na mema ku mbunge ali vaje vamupangela, omo akavamona ngeci vanazeye.

Maako 10:16

Ngecivene, vatundisile vinjambi vavo veka, co valemesele Shukulu Kalunga, co ikeye wazivile ku mbunge kuvavala a tuyando twa vaIsalele.