Myaso 132:9 - Livulu lya Shukulu Kalunga

⁹ Vaka-kukombelela vove simbu yoshe valinge mwa vushunga, vaka-kujela vove vaimbe nakujolela!

Myaso 132:9 Iomraidhean Croise

2 Mizimbu 6:41

Ngecivene, ololo katuka, Shukulu Kalunga Njambi, amo na Cikasa ca Cikumiiyo, cikeco cimweso ca nzili yove, kovela mu Njuvo yove ukalemo myaka yoshe. Vezikisa vaka-kukombelela vove mu vyoshe vivalinga, co vanu vove voshe vajolele mu ngozi yove.

Yombi 29:14

Njazalele vushunga ngwe vuzalo, co vukevwo vwanjifwikile, co kulongwa kwange kwapwile ngwe cikoveyo cacilaja, nakupwa ngwe cilongo.

Myaso 104:1

Mbunge yange ishangazale Shukulu Kalunga! Yove Shukulu Kalunga Njambi yange, yove wapwa uwakama! Yove washula na vulemu na vumpau,

Myaso 132:16

Njikavezikisa vaka-kukombelela vamwo, mu vyoshe vivakalinga, co vanu vamwo vakaimba nakutambeka nakuvwaelela.

Myaso 149:5

Vanu va Njambi vavwaelele nakulisamba, vaimbe nakujolela vutsiki vwoshe.

Myaso 47:1

Kandeni mavoko eni yeni vanu voshe! Shangazaleni Njambi na tun̄alavela!

Myaso 68:3

Oloni vaka-vushunga vavwaelela nakujolela ku mesho endi, mwa vushunga vene vavwaelela nakujolela.

Myaso 70:4

Voshe vaje vakushakezeka, vavwaelele nakujolela. Voshe vaje vakandelela kwamena kwove, simbu yoshe vendeke ngwavo, “Njambi wapwa wakama!”

Myaso 93:1

Shukulu Kalunga ikeye mwene! Ikeye nazala vukama na nzili, kaye anga vakemikilile mu mwela wako, co kukesi kushwenya embwe.

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Isaya 65:14

Vakaimba nakujolela, oloni yeni mukalila nakupokoka vimbunge.

Zefaniya 3:14

Imbeni nakutambeka nakujolela yeni vanu va mu Isalele! Joleleni na vimbunge vyeni vyoshe yeni vanu va mu Yelusalema!

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Loma 13:14

Oloni zaleni vitwa vya Mwene Yesu Kilistu, kesi mwanuke lalo cifwa ceni ca vusitu nakukavangeya mashungu aco embwe.

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”

Kujombolola 19:8

Vanamwana vuzalo vwa linyu vwakuvyazima ngeci azale.” (Nanga ya linyu yapwa vilinga vyavivwa vya vanu va Njambi.)

Maako 5:31

Ngecivene, Shukulu Kalunga vitozi vove voshe vakatsa ngacije vene, oloni vaje vakuzema vakavyazima ngwe misha yakutuuka kwa litangwa! Co kwakele kwoloka mu lifuti myaka makumi awana.