Myaso 132:12 - Livulu lya Shukulu Kalunga

¹² “Nga vana vove vakanyunga cikumiiyo cange, na vizilika vije vinjivalongesa, co vakashwana a litanda lyove ku myaka yoshe.”

Myaso 132:12 Iomraidhean Croise

1 Vimyene 2:4

Nga umwononoka, co Shukulu Kalunga akanyunga cikulaeso cije walingile omo wanjilekele ngeci vatekulwila vange vakashwana Isalele nga vakanyanyama nakwononoka mashiko endi na mbunge yavo yoshe na mwonyo wavo woshe.

1 Vimyene 8:25

Ngeci ololo, Shukulu Kalunga Njambi ya Isalele, njilinakukulomba ngeci unyunge cikulaeso cije wakulaesele tate omo wamulekele ngeci simbu yoshe ukaka mutekulwila wendi umo kupwa mwene wakushwana Isalele, nga vononoka mwamuvwa majwi ove ngwe mwalingile ikeye.

2 Mizimbu 7:18

co njikanyunga cikulaeso cange cije njalingile na isho Ndaviti, omo njamulekele ngwange vatekulwila vendi vakevo vakashwana Isalele simbu yoshe.

Myaso 102:28

Vana vetu vakakala mwamuvwa, co akunyunga kwove vatekulwila vavo vakakala mu kwoloka.

Myaso 115:14

Shukulu Kalunga amitumise manene, yeni na vatekulwila veni.

Isaya 59:21

Njilinakulikumiiya cikumiiyo neni, njinamyana Munzinzime wange na vilongesa vyange kupwa vyeni ku myaka yoshe, co kutunda lelo nakutwala kulutwe, munapande kunjononoka nakulongesa vana veni, na vatekulwila veni kunjononoka visimbu vyoshe vikaija kulutwe.”

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Njelemiya 33:17

Yange Kalunga, njakulaesa ngwange simbu yoshe kukakala mutekulwila wa Ndaviti kupwa mwene wa Isalele,

Vilinga vya Miluwa 2:30

Wapwile muka-kwimanena, co wazivukile vije vyamukulaesele Njambi, Njambi nalisingi ngwendi akapwisa umo wa vatekulwila va Ndaviti mwene, ngwe mwapwile Ndaviti.