Myaso 131:2 - Livulu lya Shukulu Kalunga

² Oloni yange njinasimpi njili mu kwoloka ngwe mwanike uje nashumuka ku mavele a vaina, co na mbunge yange inahwimi mwamuvwa mu nulo yange.

Myaso 131:2 Iomraidhean Croise

Myaso 42:11

Omwo vikajo njinaviilila? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange na Njambi yange.

Myaso 42:5

Omwo vikajo njinaviilila? Mbunge yange vikajo inazeyela? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange, na Njambi yange.

Myaso 43:5

Omwo vikajo njinaviilila? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange, na Njambi yange.

Myaso 62:1

Kukwesi kweka kwakutewela kuvanga kuli Njambi lika, kwamena kwange kutunda kuli ikeye.

Isaya 30:15

Shukulu Kalunga wa Akamwa ya Vyoshe, Njambi Wakujela wa Isalele, nendeka kuli vanu ngwendi, “Mukutenguluka namukuhwima mukemwo mumukawana mwonyo, co mu kwoloka namukukulaela mukemwo mumukawana nzili.

Mbimbi 3:26

ngecivene, cinapu cacivwa kuli yetu kumuvandamena nakusimpa ngeci atwamene.

Mako 10:15

Mwa vushunga njimileka ngwange woshe katambula Vumwene vwa Njambi ngwe mwanike wamundondo, kakakovelamo.”

Luka 21:19

Koleseni, co mukaamena myonyo yeni.

1 Kolinte 14:20

Vasamba vange, kesi mupwe ngwe mu vanike mu viyongola vyeni, pweni ngwe vanike mu vyuma vya vuvi, oloni pweni mu vakulunu mu viyongola vyeni.

1 Samwele 24:10

Kenga, litangwa lya lelo mesho ove analimwena ngeci, muje mu linzenzengoma Shukulu Kalunga nakukundikile mu mavoko ange. Co vanu vange vamo vanjilekele ngeci njikutsiye, oloni yange njakuzivilile mema ku mbunge. Co njinendekele ngwange, ‘Kunjapandele kuvulumuna uje yanavwavesa Shukulu Kalunga.’

1 Samwele 30:6

Co Ndaviti wakele mu vukalu vwakama manene, omwo vanu vendi voshe vazivile ku vimbunge kuvavala manene a vana vavo va vanalume na ava va vanakazi, co vashungwiiye kumwasha mamanya, oloni Ndaviti walitakamesele muli Shukulu Kalunga Njambi yendi.