Myaso 131:1 - Livulu lya Shukulu Kalunga

¹ Shukulu Kalunga, yange njinecela kulyalesa kwange, co njinecela kulyaka ku vukama, yange kunjesi kukundama ku vin̄anda vyakama, nambe kukundama ku vyuma vyakukomokesa.

Myaso 131:1 Iomraidhean Croise

2 Samwele 6:22

co njicilishaula vene kutuvakana akulivanga. Yove amo unjiyongola ngwove kesi nji munu, oloni vaje vambanda vakevoco vakanjiyongola nakunjisingimika manene.”

Yombi 42:3

Wanjihwile ngwove vatijo njasa kwihula mana ove, omwo yange kunjizivuka cuma nacimo cai. Njinendeka vije kunjazivukile, vyuma vyakukomokesa manene, vije kunjazivukile.

Myaso 101:5

Njikolwesa munu woshe uje afweya mukwavo, kunjikatava munu wa kulyalesa, na mbunge yendi lalo yakulyaka ku vukama, kupwa musamba wange.

Myaso 122:1

Njavwaelelele manene omo vanjilekele ngwavo, “Tuyeni ku Njuvo ya Shukulu Kalunga!”

Myaso 124:1

Nga Shukulu Kalunga kakele ku mutambela wetu, Isalele vendeke ngwavo,

Myaso 133:1

Kengeni muvwapwa vuvwa nakuvwaelela omo vanu va Njambi vakala amo na mbunge imo.

Myaso 139:6

Mana ove ali yange anapu akulova, kunjasa kuwazivisisa.

Visimo 21:4

Vaka-vuvi valyalesa nakulyaka ku vukama, oloni evi vinapu vuvi.

Njelemiya 17:16

Oloni Shukulu Kalunga, yange ni kunjalikelele kupwa kanyungi kove, co kunjayongwele litangwa lya tuyando. Shukulu Kalunga, wazivuka vije njendekele.

Njelemiya 45:5

Kuma ulinakushakezeka vyuma vyakama ndi? Kesi ulingemo embwe. Njikanena tuyando twakama ali vanu voshe, oloni nameme ngoco, yove ukakala na mwonyo kwoshe kuje kuukaya, Yange Kalunga, njinendekamo.”

Kulava 12:3

Mosesa wapwile munu wa kulikeesa kutuvakana vanu voshe ano asi.

Mateo 11:29

Lilemekeni mandauluwa yange, co lilongeseni kuli yange, omwo yange njimukalyovwa-ovwa na kulikeesa mu mbunge, co mukawana kuhwima ku myonyo yeni.

Vilinga vya Miluwa 20:19

Nakulilumbilisa kwoshe amo na misozi njapangele vipangi vyange ngwe ngamba ya Mwene mu visimbu vyakukaluwa vije vyezile kuli yange omwo a matumbe a vaYunda akunjilwisa.

Loma 11:33

Vufuko vwa Njambi vwapwa vwavungi manene! Kuzivuka kwendi na mana endi vyapwa vyakulova manene! Iyajo asa kulumbununa matumbe endi? Iyajo asa kuzivuka vingila vyendi?

Loma 12:16

Yoyeni mulizivasano umo na mukwavo. Kesi mulyalese, oloni likeeseni mu vipangi. Kesi muliyongole yeni vavenya ngwe munapu vaka-kunyanyama.

Kwituluka mu Mashiko 17:20

kutewa mbunge yendi ikalyalesa akati ka vandolome vendi vaIsalele nakupokola mashiko a Shukulu Kalunga mukulinga nevi nevi. Asinoni akashwana myaka yaingi, co vatekulwila vendi vakashwana Isalele ku visemwa vyavingi.

1 Tesalonika 2:10

Yeni munapu mu vakaleo vetu, na Njambi lalo, ngeci mu myonyo yetu ku mesho eni vaka-kukulaela yapwile yakujela, ya vushunga na yakujeneka mulonga.

1 Samwele 16:13

Co Samwele wambatele lilulu lya mazi a olive, wavwavesele Ndaviti ku mesho a vandolome vendi. Co aje vene Munzinzime wa Shukulu Kalunga wezile na nzili ali Ndaviti, wakele amo nendi kutunda ku litangwa lije. Asinoni Samwele welukile ku Lama.

1 Samwele 16:18

Co umo wavo wendekele ngwendi, “Njesi wa mu limbo lya Mbetelehema, ali na mwana wa munalume azivuka kwimba mwamuvwa. Ikeye wapwa lalo wakusimpa, munalume wamuvwa manene, lishwalale wamuvwa, muka-lwashu lwa kwendeka. Co lalo Shukulu Kalunga ali amo nendi.”

1 Samwele 16:22

Asinoni Saulu watumine majwi kuli Njesi ngwendi, “Njimuzema Ndaviti. Akale ku vipangi vyange.”

1 Samwele 17:15

Ndaviti wakele nakuyayaya ku Mbetelehema a simbu na simbu, nakunyunga vimanga va ishe.

1 Samwele 18:23

Ngecivene, vambulwile majwi aje kuli Ndaviti, co ikeye wakumbulwile ngwendi, “Cinapu cuma cakama ca kasingimiko kupwa ishemweno ya mwene, cuma cakama manene kuli kautu wa seo ngwe yange.”