Myaso 130:7 - Livulu lya Shukulu Kalunga

⁷ Kulaela kuli Shukulu Kalunga yove Isalele, omwo ya cizemo cendi cije kucesi kutenguluka, co lalo ali na nzili yakukwamena.

Myaso 130:7 Iomraidhean Croise

Myaso 130:4

Oloni yove ukatusambesa ngeci tukukomoke.

Myaso 131:1

Shukulu Kalunga, yange njinecela kulyalesa kwange, co njinecela kulyaka ku vukama, yange kunjesi kukundama ku vin̄anda vyakama, nambe kukundama ku vyuma vyakukomokesa.

Myaso 131:3

Kulaeleni kuli Shukulu Kalunga, vanu va Isalele, kutunda lelo na ku myaka yoshe!

Myaso 40:3

Wanjilongesele kwimba mwaso wauha, mwaso wakushangazala Njambi yetu. Vavangi vakamona eci, co vakaziva lyova, co vakakulaela kuli Shukulu Kalunga.

Myaso 71:5

Shukulu Kalunga wa Akamwa ya Vyoshe, njaka cinyangavili cange muli yove, yange njakukulaela tunde ku simbu ya vwanike vwange.

Myaso 86:15

Oloni yove Shukulu Kalunga u muka-kuzivila mema ku mbunge wapwa u Njambi wa ngozi na cizemo, kuwesi kuluvala vwasi, washula na cizemo cije kucesi kutenguluka, u Njambi wa vushunga.

Myaso 86:5

Omwo yove Shukulu Kalunga wapwa uwamuvwa kuli yetu u muka-kusambesa, washula na cizemo cije kucesi kutenguluka kuli voshe vaje valombela kuli yove.

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Zefaniya 3:12

Mu Yelusalema njikasezamo lika vanu vaka-kulilumbilisa na vaka-kulikeesa, vaje vakaija kuli yange mukuvakwasa.

Luka 14:22

Co vwasi-vwasi uje ngamba wendekele ngwendi, ‘Shukulu cinalingiwa laja ngwe muwanjishikile, anga kunacisala mwela wakama.’

Loma 8:24

Omwo tunovoka a cinyangavili, oloni cinyangavili cakumona, cikeco kesi cinyangavili. Omwo iyajo ali na cinyangavili ca vije vyanamono?

VaHevelu 10:35

Ngecivene, kesi mumbile kuti kusimpa kweni kuje kuli na cikandelela cakama manene.

Kujombolola 5:9

Co vembile mwaso wauha ngwavo, “Yove wafwila kwambata eli livulu nakuvatula tusateso twalyo. Omwo vakutsiile, co a kutsa kwove wakulile vanu na maninga ove kuli Njambi, vakutunda ku miyati yoshe na ku vindaka vyoshe na ku mafuti oshe na ku vanu voshe.