Myaso 13:2 - Livulu lya Shukulu Kalunga

² Visimbu vingai njinapande kukala mu kayando? Visimbu vingai mbunge yange ikashula na vusiwa mutanya na vutsiki? Visimbu vingai vitozi vange vakanjifungulula?

Myaso 13:2 Iomraidhean Croise

Nehemiya 2:2

ngecivene, wanjihwile ngwendi, “Omwo vikajo unaviilila? Yove kuuvinji, oloni cinasholoka ngeci kuwesi nakuvwaelela.” Njazivile lyova manene,

Esita 7:6

Co Esita wamukumbulwile ngwendi, “Muka-n̄ole yetu, na citozi cetu ikeye ou vene munalume wamuvi Hamane!” Co Hamane wazivile lyova kuli mwene na kuli lishano.

Yombi 10:15

Nga njilinga vuvi, njinapu munu wakuvindama, nambe nga njiwakushungama, kunjikasa kwandula mutwe wange omwo njili na shwamwa yakama.

Myaso 10:18

Ukaziva mutambi wa vaka-kuyanda na visiwa, ukavasompela mu vushunga, ngeci munu naumo wai akavazivise lalo lyova.

Myaso 116:3

Vutsi vwanjizengelekele ngwe mikole, na mishongo ya vukalo vwa vatsi yanjiwanene, co njakele mu tuyando na vusiwa.

Myaso 17:9

nakunjamena kuli vaka-vuvi vaje valinakunjilwisa. Vitozi vange vananjizengeleka, co vashaka kunjitsiya,

Myaso 31:18

Olwesa vaje vaka-makuli, na voshe vaka-kulyalesa na vaka-kulindula, vaje vendeka na kayengu kuli vaka-vushunga!

Myaso 38:17

Ngecivene, njishaka kuwa, co tuyando twange kutunjitundu.

Myaso 42:4

Mbunge yange ipokoka omo njanuka vya kunima, omo njaile na mbunga ya vanu ku Njuvo ya Shukulu Kalunga, co njavatwamenenene omo vakele nakunjikava munima, yapwile mbunga yakuvwaelela, vembile nakutambeka nakushangazala Njambi.

Myaso 6:4

Tenguluka ngeci unjamene yove Shukulu Kalunga, njimwese cizemo cove cije kucesi kutenguluka.

Myaso 7:2

nga kuulingimo, co vanjitatuvula nakunjisanyozola vipuka-vipuka ngwe vindumba, co naumo wai anjamena.

Myaso 74:10

Yove Njambi visimbu vingaijo, vitozi vetu vakakujola? Kuma vakatwalao kushaula lizina lyove ku myaka yoshe ndi?

Myaso 74:18

Shukulu Kalunga, anuka muvali nakukujola vitozi, anuka muvali nakushaula, nakuyeluwisa lizina lyove.

Myaso 8:2

vimbututu na vanike valinakuvwimba. Unovoka ku vitozi vove voshe, uvindika woshe uje akuyeluwisa.

Myaso 9:6

Vitozi vetu vananyongo simbu yoshe, na vinganda vyavo vinasiwuka, co nalumo lwai lalo vakavanuka.

Visimo 15:13

Omo vanu vanavwaelela, co vajola-jola, oloni omo vaviilila, co vazeya.

Muka-kwambulula 5:17

Matangwa akuyoya kwetu kwoshe apwa a lisusulungu, tulinakumona tuyando twakama, na mishongo, na vukalu.

Njelemiya 15:18

Omwo vikajo njilinakuyanda simbu yoshe? Omwo vikajo vimbandu vyange kuvyesi nakwola? Omwo vikajo kuvyesi nakukanguka? Kuma ushaka kunjiyeluwisa ngwe ndonga yuma a simbu ya nyangao ndi?”

Njelemiya 45:3

ulinakwendeka ngwove, ‘Ngongo yange! Shukulu Kalunga nawezelelako vusiwa ku tuyando twange, njinazeye nakukemanga, co kunjasa kuwana kuhwima embwe!’

Njelemiya 8:18

Naumo wai asa kunjizembeleka ku vusiwa vwange, vulinakunjivinjisa mu mbunge.

Mbimbi 1:5

Vitozi vendi vanamufungulula, co ali mu mavoko avo. Shukulu Kalunga namunyanyamesa omwo vuvi vwendi vwavungi, vana vendi vanavafungulula nakuvatwala.

Mbimbi 1:9

Mazilo endi asholokele mu vuzalo vwendi, oloni ikeye kombileko mbunge kukujwala kwendi. Kuwa kwendi kwapwile kwakukomokesa, naumo wai wamuzembelekele. Vitozi vendi vanahyana, co atambeka kuli Shukulu Kalunga ngeci amuzivileko mema ku mbunge.

Mbimbi 5:20

Omwo vikajo unatusezela ngacije simbu yakama? Kuma kuukatwanuka lalo ndi?

Mateo 26:38

Co ikeye wendekele navo ngwendi, “Mbunge yange inazeye na vusiwa vwakama manene vwakunjitwala ku kutsa vene. Njivandameneni kuno nakukengelela amo nange.”

Luka 22:53

Njakele neni mu Njuvo ya Shukulu Kalunga a litangwa na litangwa, kumwesekele kunjikwata. Oloni eyi ikeyo simbu yeni yakupanga, omo nzili ya lisusulungu ilinakushwana.”

Yowano 16:6

Oloni omwo njinamileka vyuma evi, vimbunge vyeni vili na vusiwa.

Loma 9:2

omo njendeka ngwange njili na vusiwa vwakama manene, nakuvinja kuje kukwesi kuhwa mu mbunge yange,

Filipu 2:27

Mwa vushunga vene wakele nakuvinja nakushaka kutsa vene. Oloni Njambi wamuzivilileko mema ku mbunge, kesi lika ikeye oloni nange lalo, nakunjitetela ku vusiwa vwakama manene.

1 Samwele 18:29

Ngecivene, Saulu wazivile manene lyova ali Ndaviti. Co wapwile citozi cendi mukuyoya kwendi kwoshe.

1 Samwele 24:19

Visimbu vingaijo munu akwata citozi cendi, co amwecela aliile ngoco? Shukulu Kalunga akuvezikise a vyuma evi unalingi kuli yange ku litangwa lya lelo!