Myaso 128:2 - Livulu lya Shukulu Kalunga

² Mahya ove akakunenela vimbuto vyavingi, co ukavwaelela nakukala mwamuvwa.

Myaso 128:2 Iomraidhean Croise

Kushangumuka 3:19

Ukapanga nakuundangana manene nakutukuta akupanga mu livu, ngeci likamenese vyakulya, noo ukeluka ku livu kuje kuwatundile. Omwo yove watundile ku livu, co ukeluka lalo ku livu.”

Myaso 1:3

Munu wa cifwa eci napu ngwe muti wakukuna ku vana va vindonga vya mema, muti uje wima vushuka vwawo a simbu yawo, na maputa awo lalo kuwesi kujujwama. Munu wa cifwa eci avezika mu vyoshe vyakalingi.

Myaso 109:11

Muka-kukumwisa ambate vufuko vwendi vwoshe, co vangenzi vapukule vyoshe vije vyapangelele.

Muka-kwambulula 8:12

Muka-vuvi nasa kulinga milonga 100 oloni anga aciyoya. Eyo, njizivuka vivalinakwendeka ngwavo, “Nga ukomoka Njambi, co vyuma vyoshe vikapwa vyavivwa kuli yove,

Isaya 3:10

Vaka-vushunga vakavwaelela, co vyuma vyoshe vikenda mwamuvwa kuli vakevo. Vakavwaelela na vije vivanapangela.

Isaya 62:8

Shukulu Kalunga nalingi cikulaeso, na nzili yendi ngwendi, “Vimbuto vyeni kuvikapu lalo vyakulya vya vitozi vyeni. Na vaka-kwija kuvakanu lalo vinyu veni embwe.

Isaya 65:13

Ngecivene, njimileka ngwange vaje vanjilemesa nakunjononoka, vakakala na vyakulya vyavingi na vyakunwa vyavingi, oloni mukakala na njala na lihwila. Vakavwaelela, oloni yeni mukakala na shwamwa.

Njelemiya 22:15

Kuma wayongola ngwove u mwene wamuvwa kutuvakana vimyene voshe nga utunga vinjuvo vya kendale vyavivwa, kutuvakana vinjuvo vya vakweni voshe ndi? Isho walile nakunwa simbu yoshe wapwile wa kulongwa na vushunga, wavezikile mu vyuma vyoshe vije vyalingile.

1 Kolinte 15:58

Ngecivene, vavusamba vange va cizemo, imaneni mbe kujeneka kuwa. Simbu yoshe pangeni na nzili mu vipangi vyeni kuli Mwene, omwo munazivuka ngweni vipangi vyeni mulinakupanga muli Mwene kuvyesi nakuya mwangoco.

Efeso 6:3

“Ngeci vyoshe vikapwe vyavivwa kuli yeni, co mukayoya simbu yakama mu lifuti.”

Kwituluka mu Mashiko 28:11

Shukulu Kalunga akamyana vana vavangi, na vimuna vavangi, na vimbuto vyavingi mu lifuti lije walisingile na vakukulwila veni kumyanalyo.

Kwituluka mu Mashiko 28:39

Mukakuna vitungu vya mikolovozi ya vushuka vwa vinyu, oloni kumukavukongweya nambe kunwako vinyu, omwo tungwengwe vakavulya.

Kwituluka mu Mashiko 28:4

“Shukulu Kalunga akamivezikisa nakumyana vana vavangi, na vimbuto vyavingi, amo na vingombe na vimanga vavangi.

Kwituluka mu Mashiko 28:51

Vakalya vimuna veni, na vimbuto vyeni, mukalanduka ku njala. Kuvakamisezelako vimbuto vimo, nambe vinyu, nambe mazi a olive, nambe vimuna, nambe vimanga, noo vanaminyongesa.

Kwituluka mu Mashiko 28:8

“Shukulu Kalunga Njambi yeni akavezikisa vipangi vyeni nakushulisa vishete vyeni na vimbuto. Akamivezikisa mu lifuti lije lyakamyana.