Myaso 127:2 - Livulu lya Shukulu Kalunga

² Cinapu cangoco kwinduka mutondo-tondo, nakukotoka cingwezi mukupangela vyakulya, omwo Shukulu Kalunga akana vyakulya kuli voshe vaje vaazema nameme omo vanacilala.

Myaso 127:2 Iomraidhean Croise

Yombi 11:18

Co ukayoya mwamuvwa nakushula na cinyangavili, Njambi akakunyunga, nakukwana kuhwima.

Myaso 3:5

Njilala nakuya mu tulo, co ku mutondo njinduka omwo Shukulu Kalunga akanjinyungu.

Myaso 4:8

Omo njilala, co njiya mu tulo ngwe muje mwalalele mbuli mutenga, yove lika Shukulu Kalunga, u muka-kunjinyunga mwamuvwa.

Myaso 60:5

Twamene na nzili yove, co kumbulula malombelo etu, ngeci vaje vanu vawazema vavamene.

Visimo 10:22

Civezikiso ca Shukulu Kalunga cikeco cikufukisa. Kupanga na nzili kucasa kukufukisa.

Muka-kwambulula 1:14

Njinamono vyuma vyoshe vyalingiwa ano asi, kengeni, vyuma vyoshe vinapu vyangoco. Cinapu lika ngwe kusheka lihunzi.

Muka-kwambulula 4:8

Kwakele munu uje wayoyele endi lika. Kakele na mwana wa munalume, nambe ndolome, oloni simbu yoshe wakele nakupanga, kapwisilemo vufuko vuje vwakele navwo. Omwo vikajo wakele nakuundanganena manene nakulishuula vavenya ku vyuma vyoshe vyakuvwaelela? Evi vinapu vyangoco lalo, co vinapu vyakukomokesa mukuyoya.

Muka-kwambulula 5:12

Muka-kupanga nambe alya vyavindondo nambe alya vyavingi asa kulala tulo, oloni muka-kufuka, nambe nakuta kasa kulala tulo omwo visinganyeka vyendi vinapu vyavingi.

Muka-kwambulula 6:7

Vipangi vyoshe vyakapanga munu akapangela kulya, oloni lishungu lyakulya kulyesi kuhwa.

Njelemiya 31:26

Ngecivene, vanu vakendeka ngwavo, ‘Njalalele, co njinenduka njili mwamuvwa ngu.’

Ezekiyele 34:25

Njikalikumiiya navo cikumiiyo ca kwoloka. Njikatundisa tusitu voshe va vushonde mu lifuti, ngeci vimanga vange vakakale mwamuvwa mu mahya nakulala mwamuvwa mu shwata.