Myaso 125:5 - Livulu lya Shukulu Kalunga

⁵ Oloni omo uhisa vaka-vuvi, hisa lalo na vaje vayoya yoyesi ya kupenga-penga. Kwoloka kukale na Isalele!

Myaso 125:5 Iomraidhean Croise

2 Samwele 22:22

Njinononoka lishiko lya Shukulu Kalunga, co kunjakengesele nima Njambi yange.

Yombi 23:11

Lindi lyange linalyata mbe mu myanja yendi, njinende mu ngila yendi nakutundamo kwai.

Myaso 101:3

Kunjikalingi cuma cacivi, njizinda vilinga vya vaka-kujeneka kukulaela kuli Njambi, kunjikombuko mbunge kuli vakevo embwe.

Myaso 128:6

Uyoye nakumona vatekulwila vove! Kwoloka kukale na Isalele!

Myaso 40:4

Navezika munu uje akulaela kuli Shukulu Kalunga, munu uje kesi kutengulukila ku tumponya, nambe kulipandakana na vanu vaje vaka-kulemesa vinjambi va makuli.

Myaso 92:10

Unanjipwisa muka-nzili ngwe mpakasha, unanjivwavesa na mazi amavwa.

Myaso 92:7

nameme vaka-vuvi vakola ngwe mwila, na voshe vaka-kulinga vyavivi vakala na vufuko vwavungi, vakavanyongesa ku myaka yoshe,

Myaso 92:8

oloni yove Shukulu Kalunga, vakakwalesa myaka yoshe.

Myaso 94:4

Mapwepwe vakalyalesa visimbu vingaijo? Visimbu vingai vakavwaelela a milonga yavo?

Visimo 14:14

Vanu vavavi, vakawana vije vinavapande, vanu vavavwa, vakatambula cikandelela a vilinga vyavo vyavivwa.

Visimo 2:15

Vingila vya vanu va cifwa eci vyapwa vya kupenga-penga, vatanguka mu vingila vyavo.

Visimo 21:16

Nga munu avyana kupangesa mana amavwa, akaliwana ikeye vavenya mu mbumbo.

Isaya 54:10

Minkinda na malundu vikazimangana, oloni cizemo cange ali yeni kucikahu, njikanyunga cikumiiyo cange cakumyana kwoloka ku myaka yoshe.” Ngwendi Shukulu Kalunga uje wakuzema.

Isaya 54:13

“Yange vene njikalongesa vanu vove, nakuvavezikisa na kwoloka.

Isaya 59:8

kumuzivuka kukala mu kwoloka. Vyuma vyoshe mukalingi vyapwa vyakujeneka vushunga. Mukakavangeya vingila vya kupenga-penga, na voshe vaje vamikavangeya kuvesi kuwana kwoloka.

Njelemiya 2:19

Vuvi vwove vukakuhisa yove vavenya omwo unatundu kuli yange. Ngecivene, ukalilongesa vuvi na vunyengwe, akuseza yange Kalunga Njambi yove, kujeneka kunjisingimika. Yange Kalunga wa Akamwa ya Vyoshe, Muka-nzili yoshe, njinendekamo.”

Ezekiyele 37:26

Njikalikumiiya navo cikumiiyo ca kwoloka cije ca ku myaka yoshe. Njikavakolesa, co vakapwa vavangi, co njikaka Njuvo yange mu lifuti lyavo, mukemwo muyikakala ku myaka yoshe.

Hoziya 2:18

Co a simbu ije njikalikumiiya cikumiiyo na tusitu voshe va mu shwata na tuzila, ngeci kesi vakavulumune vanu vange. Njikatundisa lalo vitwa vyoshe vya nzita mu lifuti, mikwale yoshe na mata a lusipa oshe, co njikatava vanu vange ngeci vayoye mu kwoloka na mukujeneka vushonde.

Zefaniya 1:6

Njikanyongesa lalo vaje vanalikela kunjipangela, vaje kuvesi kwija kuli yange nambe kunjilomba ngeci njivatwamenene.”

Mateo 7:23

Asinoni njikavakumbulula ngwange, ‘Kunjimizivuka. Tundeni kuli yange, yeni vaka-kulinga vyavivi!’

Luka 11:25

Co omo uneluka uwana muje mu njuvo mwakukomba munajele.

Yowano 14:27

“Kwoloka njimisezela, kwoloka kwange njilinakumyana. Kesi ngwe muvakana muje vaka-kaye. Kesi mulishoshomwene mu vimbunge vyeni, nameme kesi muzive lyova.

Ngalatiya 6:16

Ngwe ali ava valinakukava lishiko eli mukuyoya kwavo, kwoloka na mema ku mbunge vikale navo, vikale navo na voshe vanu va Njambi!

Filipu 2:15

ngeci mupwe vaka-kujeneka mulonga na vaka-kujeneka kapayo ngwe muvanapande kupwa vana va Njambi, vaje valinakuyoya mu kaye ka kupenga-penga na akati ka vanu vaka-vuvi. Yeni munapande kutwa ceke akati kavo ngwe vingongonosi vitwa ceke mwilu,

VaHevelu 10:38

Oloni vanu vange vaka-vushunga vakakulaela, co vakayoya, oloni nga umo wavo eluka munima, co kunjikavwaelela nendi.”

1 Petulu 1:2

Yeni vamyangwile ku cizango ca Njambi Tatetu, co vamijelesele na Munzinzime wendi ngeci mwononoke kuli Yesu Kilistu nakumijelesa na maninga endi. Kutetela na kwoloka vikale amo neni.