Myaso 124:4 - Livulu lya Shukulu Kalunga

⁴ nga vatuungumwinine kulyala ngwe livazi, nga vatukupwile ngwe mema,

Myaso 124:4 Iomraidhean Croise

Yombi 22:11

Ceke cove cinatenguluka lisusulungu ngeci kuwasa kumona, co livazi linakungumbula.

Myaso 144:7

Livoko lyove litunde mwilu, liije ano asi nakunjamena. Njipatule nakunjamena ku mema amangi, na ku nzili ya vaka-kwija.

Myaso 18:4

Kutsa kwanjizengelekele ngwe linimbwa, mankimba akunjinyongesa anjifwikile.

Myaso 18:5

Kutsa kwanjizengelekele ngwe linimbwa, co vinganjo vya mbumbo vyanjishwikile.

Myaso 32:6

Ngecivene, voshe vaka-kulongwa vanapande kulombela kuli yove a simbu yakujeneka, co omo tuyando twakama twija, kutwasa kuvawana.

Myaso 42:7

yove unaka vusiwa mukuyoya kwange ngwe mankimba, vitanga vilinakwija kuli yange ngwe livazi, vinapu ngwe cipupa cikuma ku Ndonga ya Yondau, ku Munkinda wa Helemone na ku Munkinda wa Mizale.

Myaso 42:8

Shukulu Kalunga amwese cizemo cendi cije kucesi kutenguluka ku mutanya, co njimwimbila mwaso ku vutsiki, kupwa lilombelo lya kuli Njambi yange wa mwonyo.

Myaso 69:15

Kesi utave livazi linjikupule, kesi utave njikovele mu nzinga, nambe kesi utave njikovele mu mbumbo.

Myaso 69:2

njinatomena mu vutome vwakulova, muje kumwesi livu lyakukola akwimana, mema akulova ashaka kunjikupula, co mankimba ao alinakunjikoka ngeci anjikupule.

Isaya 28:2

Shukulu Kalunga ali na munu uje muka-nzili manene nakutakama nalivwaesela cimweja kuvalwisa, uje akaija ngwe nyonzi ya mamanya, ngwe nyonzi ya lihunzi lyakama, ngwe mema a livazi lya muta wakama, aje ashulisa lifuti lyoshe.

Isaya 59:19

Kutunda mu ngangela nakweta mu kangombe ka yambi, vanu voshe vakakomoka vukama vwa nzili yendi. Akaija ngwe mema a cingungu-muta, ngwe lihunzi lyakama.

Ndanyele 9:26

Co akukotoka ntwama uje yaangwile Njambi vakamutsiya kwakujeneka mulonga. Nganda na Njuvo ya Shukulu Kalunga vakayinyongesa kuli muka-kushwana uje akakalako. Kukotoka kukaija ngwe livazi, kunena nzita nakunyongesa vije vyanavwaesa Njambi.

Kujombolola 17:1

Asinoni umo wa vaje tungelo vatanu na vavali vaje vakele na malonga atanu na avali wezile kuli yange, co wendekele ngwendi, “Ija kuno njakukuleke vati vakasompa uje cikwizi wakutsimana, nganda ije yakama ivanatungila kuyehi na vindonga vyavingi.

Kujombolola 17:15

Co kangelo wendekele lalo kuli yange ngwendi, “Mema aje awamwene, aje anatumbama uje cikwizi, anapu miyati, vanu, mafuti na vindaka.