Myaso 122:6 - Livulu lya Shukulu Kalunga

⁶ Lombeleni ngeci mu Yelusalema mukale kwoloka, “Vaje vaka-kukuzema vakale mu kwoloka!

Myaso 122:6 Iomraidhean Croise

Kushangumuka 12:3

Njikavezikisa vaje vakakuvezikisa, oloni njikasinga vaje vakakusinga. Co muli yove njikavezikisilamo miyati yoshe.”

Nehemiya 11:1

Vantwama vatungile mu Yelusalema na vanu vaje vasaleleo, vatele n̄ela kwangula naanga imo a vinaanga likumi, kutunga mu Yelusalema nganda yakujela, co vakwavo vatanu na vawana vaje vasaleleo vakevo vakele mu vinganda vikwavo na mu vindandanga.

Nehemiya 11:2

Vanu vashangazalele munu woshe uje walyaanene kutunga mu Yelusalema.

Esita 4:8

Co Molendekai waanene Hatake vukaleo vwa mukanda wa lishiko lije livasonekele mu Susa, lyakushika ngeci vanyongese vaYunda. Molendekai walekele Hatake ngeci akaumwese kuli Esita, nakumunungulwilawo nakumuleka aye kuli mwene nakumulomba ngeci azivileko mema ku mbunge vanu va Esita.

Myaso 51:18

Yove Njambi, zivila ngozi Siyone nakuyikwasa, co tungulula vivumbe vya Yelusalema.

Isaya 62:7

Kuvapandele kumuhwimisa kuvanga noo nendula Yelusalema, nakuyipwisa nganda ije ivakashangazala vaka-kaye voshe.

Isaya 66:10

Yeni voshe mwazema nganda eyi, joleleni na Yelusalema, nakuvwaelela nayo! Yeni voshe mwakele nakuyililila, ololo joleleni amo nayo!

Njelemiya 29:7

Lingeni vyavivwa mu vinganda muje munjamitwalele kupwa vinzinda. Lombeleni kuli yange a vinganda evi, omwo nga evi vinganda vivezika, co neni lalo mukavezika.

Njelemiya 51:50

Shukulu Kalunga alinakwendeka kuli vanu vendi vali mu Mbambilone ngwendi, “Munaputumuka ku kutsa! Ololo yeni! Kesi mutumbame! Nameme muli kulyala na kwimbo, anukeni yange Kalunga Njambi yeni, co anukeni Yelusalema.

Kulava 24:9

Muyati wakulifwa na ndumba wa nkomba wa nzili, nambe ngwe ndumba wa lwavo, iya akamushangumuna nakumwindula omo nalala? Woshe uje avezikisa Isalele nendi lalo vakamuvezikisa, co woshe uje asinga Isalele nendi lalo vakamusinga.”

Yowano 17:21

Njivalombelela ngeci voshe vapwe umo. Ove Tate! Vakale muli yetu, ngwe omo yove wakala muli yange nange muli yove. Vapwe umo, ngecivene, vaka-kaye vakakulaele ngwavo kuma yove wanjitumine.

Efeso 4:3

Nyungeni mwamuvwa manene kulitombola kwa mbunga ije yanamyana Munzinzime a kwoloka cije cinamikutila amolika muvavoshe.

2 Tesalonika 3:16

Mwene vavenya, uje wapwa nsina ya kwoloka kwetu, amyane kwoloka a simbu yoshe na mu vingila vyoshe. Mwene akale neni muvavoshe.

1 Yowano 3:14

Tunazivuka ngwetu tunatundu mu kutsa tunakovela mu mwonyo, tunazivuka cuma eci omwo tulinakuzema vakwetu. Vaje kuvesi kuzema anga vacili mwisi ya nzili ya kutsa.

1 Samwele 12:23

Ngwe ali yange ni, cikale kulyala nange kesi njivulumune kuli Shukulu Kalunga, njilikele kumilombelela. Oloni, njikamilongesa vije vyavivwa vyakushungama.