Myaso 122:4 - Livulu lya Shukulu Kalunga

⁴ Oku kukekwo kuvakele nakuya miyati ya Shukulu Kalunga, vaile mukushangazala lizina lya Shukulu Kalunga, ngwe ku mashiko aje aanene Isalele.

Myaso 122:4 Iomraidhean Croise

Myaso 100:4

Kandeleleni omo mukovela mu vikolo vya Njuvo yendi, shangazaleni lalo omo mukovela mu vimbanja vyendi. Kandeleleni nakushangazala lizina lyendi!

Myaso 118:19

Shokololeni vikolo vya vushunga, ngeci njikovelemo nakukandelela kuli Shukulu Kalunga!

Myaso 132:13

Shukulu Kalunga naangula Siyone kupwa limbo lyendi.

Myaso 78:68

oloni waangwile muyati wa Yunda, na Munkinda wa Siyone uje wazemene.

Myaso 81:6

“Njatundisile vitele vyakulema a vitsili vyeni, co njamitulile vitele vyeni vya vindopi.

Kutuuka 16:34

Ngwe omo Shukulu Kalunga washikile Mosesa, co Alone waakele njava kulutwe lwa Cikasa ca Cikumiiyo, ngeci vase kuyinyungilako.

Kutuuka 23:17

Co a mwaka na mwaka a simbu yevi viwano vitatu vanalume voshe vanapande kwija nakunjilemesa yange Kalunga Njambi yeni.

Kutuuka 32:15

Co Mosesa washelumukile ku munkinda, oku nambata vitale vivali vya vukaleo vya mamanya aje vasonekeleo mashiko ku mitambela yoshe noku-noku.

Kwituluka mu Mashiko 12:11

Asinoni Shukulu Kalunga Njambi yeni akaangula mwela umo kuje kumukamulemesela, co kuje vene mukatwala vyuma vyoshe vije vinjinamishiki, vin̄ombelo vyeni vya kwenyeka, na vin̄ombelo vyeni vikwavo, na cavulikumi, na mulambu uje mulinakwana, na vin̄ombelo vyeni vyoshe vya cikulaeso vije mulinakulikulaesa navyo kuli Shukulu Kalunga.

Kwituluka mu Mashiko 12:5

Oloni mukashakezeka mwela uje wakaangula Shukulu Kalunga Njambi yeni akati ka miyati yeni, kuje vanu vakaija ku mesho endi nakumulemesa.

Kwituluka mu Mashiko 16:16

“Vanalume voshe va ku muyati weni vakalikungulwile ku mesho a Shukulu Kalunga Njambi yeni visimbu vitatu a mwaka ku mwela uje waakangula Shukulu Kalunga wakumulemesela, vakalikungulwile ku Ciwano ca Pasovala, na ku Ciwano ca Kuteja, na ku Ciwano ca Mapapela. Co vakanene mulambu.