Myaso 12:6 - Livulu lya Shukulu Kalunga

⁶ Vikulaeso vya Shukulu Kalunga vyapwa vya vushunga, vinapu vyavivwa ngwe siliva yakujelesa mu lutengo visimbu vitanu na vivali.

Myaso 12:6 Iomraidhean Croise

2 Samwele 22:31

Ou Njambi vilinga vyendi vyapwa vyakulumbunuka, na majwi endi apwa akulitulao! Ikeye wapwa ntelo ya voshe vaje vatewela muli ikeye.

Yombi 20:19

omwo wayandesele nakuyengula vaka-kuutwa, nakutambula vinjuvo vya vanu vije valitungilile vakevo vavenya.

Yombi 28:1

Kuli vitapo vivakendi siliva. Co kuli mitambela kuje kuvakajelesela ngolinde.

Myaso 119:140

Mwa vushunga vene vikulaeso vyove, vanavyeseka mwamuvwa, ngecivene, yange ngamba yove njivizema.

Myaso 18:30

Ou Njambi vilinga vyendi vyapwa vyakulumbunuka, na majwi endi apwa akulitulao! Ikeye wapwa ntelo kuli voshe vaje vatewela muli ikeye.

Myaso 19:8

Mashiko a Shukulu Kalunga apwa a vushunga, voshe vaje vawononoka vavwaelela. Mashiko a Shukulu Kalunga apwa akujela, aana munu mana akuzivisisa.

Myaso 66:10

Unatwilula yove Njambi, co unatweseka ngwe muvakeseka siliva mu tuhya.

Myaso 76:10

Mwa vushunga nameme vanu vanaluvala vakakushangazala, vaje vanovoka ku vinzita vakanyunga viwano vyove.

Myaso 9:13

Njizivileko mema ku mbunge yove Shukulu Kalunga! Kenga muvali nakunjiyandesela vitozi vange, njamene ku kutsa yove Shukulu Kalunga,

Kutuuka 3:7

Asinoni Shukulu Kalunga wendekele ngwendi, “Mwa vushunga, njinamono tuyando twa vanu vange muvali nakuvapangesela mu Ingito. Njazivi valinakulila ngeci vavapatule ku vundungo vwa vaje valinakuvayandesa. Njamono a tuyando twavo twoshe.

Kutuuka 3:8

Ngecivene, njinaija mukuvapatula ku livoko lya vaka-Ingito, nakuvatundisa mu lifuti eli lya Ingito nakuvatwala mu lifuti lyalivwa nevi vyakujenekamo vyai, muje ololo mucili vaKanana, na vaHiti, na vaAmoli, na vaPelezi, na vaHivi, na vaNjevushi.

Kutuuka 6:1

Asinoni Shukulu Kalunga wendekele kuli Mosesa ngwendi, “Ololo oni ukamona vinjikalinga kuli mwene, omwo njikamusindiya ecele vanu vange vaye. Njikamusindiya ngeci akavasheke mu lifuti lyendi.”

Visimo 22:23

Omwo Shukulu Kalunga ikeye muka-kuvalwila, co vyoshe vije ulinga kuli vakevo, Shukulu Kalunga akavilinga lalo kuli yove.

Visimo 30:5

“Vyoshe vije vyendeka Njambi vyapwa vya vushunga, wapwa ntelo ya vaje voshe vatewela kuli ikeye.

Isaya 14:22

Shukulu Kalunga Muka-nzili yoshe nendeka ngwendi, “Njikalwisa Mbambilone nakuyinyongesa. Nacimo cai njikasezamo, nambe vanike, naumo wai akayoyao. Yange Kalunga njinendekamo.

Isaya 33:10

Shukulu Kalunga alinakwendeka ku miyati ya vanu ngwendi, “Ololo njipanga. Njikamwesa ayapwa nzili yange.