Myaso 119:9 - Livulu lya Shukulu Kalunga

⁹ Mukwenje asa kuyoya vatijo yoyesi yakujela? Mukwononoka mashiko ove Shukulu Kalunga.

Myaso 119:9 Iomraidhean Croise

2 Mizimbu 6:16

Ngecivene, ololo, Shukulu Kalunga Njambi ya Isalele, njilinakukulomba ngeci unyunge cikulaeso cije wakulaesele tate omo wamulekele ngeci simbu yoshe ukaka mutekulwila wendi umo kupwa mwene wakushwana Isalele, nga vononoka mwamuvwa Mashiko ove ngwe mwalingile ikeye.

Yombi 1:5

Ku mutondo omo ciwano cinahu, Yombi wakele nakwinduka mutondo-tondo nakukombelela vin̄ombelo vya kwenyeka kupwisa ku umo na umo wa vana vendi mukuvajelesa. Ikeye wakele nakulinga eci simbu yoshe omwo wayongwele ngeci amo umo wa vana vendi nalingi vuvi nakushaula Njambi kwakujeneka kucizivuka.

Yombi 13:26

“Kusompa kwove kwakunjilwisa kunapu kwakukalu, nameme vije vinjalingile omo njapwile mukwenje.

Myaso 119:11

Mashiko ove njinaanyungu mu mbunge yange, ngeci kesi njivulumune kuli yove.

Myaso 17:4

Yange kunjesi kwendeka vyavivi ngwe muvakendeka vakwetu, co njinononoka mashiko ove, kunjakavangeyeye vingila vya vaka-vuvi.

Myaso 25:7

Njisambese ku vivi vyange na ku milonga ya a vukwenje vwange. Njanuke, Shukulu Kalunga! Omo cizemo cove cije kucesi kutenguluka na vuvwa vwove!

Myaso 34:11

Ijeni vana vange, njitolilileni, co njikamilongesa kukomoka Shukulu Kalunga.

Visimo 1:10

Munange, nga vaka-vuvi vakukokweya, kesi uvatave.

Visimo 1:4

Vyasa kunyanyamesa vaka- kulilongesa, nakwana mukwenje mana akuyongola mwamuvwa.

Visimo 2:11

Kuzivuka kwove nakuzivisisa kwove vikakunyunga,

Visimo 4:1

Vana vange, jendekeleni matwi eni kukunangula kwa ishweni. Tolilileni mwamuvwa ngeci muzivisise.

Visimo 7:7

co njamwene vakwenje vavangi vakweeva, oloni akati kavo, njazivukileo mukwenje umo wakweeva manene.

Muka-kwambulula 11:9

Vakwenje vwaeleleni a vukwenje vweni, pweni vaka-kuvwaelela simbu mucili mu vakwenje. Lingeni vyoshe vimushaka kulinga, co kaveni mashungu a vimbunge vyeni. Oloni anukeni ngweni, Njambi akamisompa a vije vyoshe vimulinakulinga.

Luka 15:13

Omo kwetile matangwa amandondo lika uje mwana washongo walandesele vufuko vwendi wakatukile waile na vimbongo. Waile ku lifuti lyakulyala, kuje wakashandwele vimbongo vyendi mukuyoya kwa vuuka.

Yowano 15:3

Yeni munajele laja alijwi lije njendekele kuli yeni.

Kwituluka mu Mashiko 17:18

Omo akatumbama a litanda lyendi lya vumwene, co akalisonekele ikeye vavenya livulu lya mashiko a Njambi awa na vilongesa vyakutunda mu livulu livanatulika vaka-kukombelela va ku naanga ya Levi.

2 Timateo 2:22

Tewa ku mashungu a vukwenje, pangela lika vushunga nakukulaela na cizemo na kwoloka, amolika na vaje vatambeka kuli mwene na vimbunge vyakujela.

Yoshwa 1:7

Oloni kolesa lika nakusimpa manene, unyunge mashiko oshe aje akushikile ngamba yange Mosesa. Kesi ukalimbulule nambe litambelo limo, ngeci ukavezike mwamuvwa kwoshe kuje kuukaya.