Myaso 119:87 - Livulu lya Shukulu Kalunga

⁸⁷ Vanesi kunjitsiya, oloni yange kunjavyanene mashiko ove.

Myaso 119:87 Iomraidhean Croise

2 Samwele 17:16

Co Hushai wendekele lalo ngwendi, “Zambulako ololo! Tuma munu kuli Ndaviti ngeci kesi akalale lalo vutsiki a myava ya mu mambo embwe, oloni akajavuke vwasi Yondau, ngeci ikeye na vanu vendi voshe kesi vakavakwate nakuvatsiya.”

Myaso 119:51

Simbu yoshe vaka-kulyalesa vanjishendumuna, oloni kunjasezele mashiko ove.

Myaso 119:61

Nameme vaka-vuvi vanjitela myeto, oloni yange kunjivala mashiko ove.

Isaya 58:2

Vakanjilemesa a litangwa na litangwa, vendeka ngwavo valinakushungwiya kuzivuka vingila vyange nakwononoka mashiko ange. Vendeka ngwavo vashaka njivane mashiko a vushunga, ngeci vavwaelele mukunjilemesa.”

Mateo 10:28

Kesi muzivile lyova vaje vatsiya muvila oloni kuvasa kutsiya mwonyo, oloni zivileni lyova Njambi, uje asa kunyongesa vyoshe mwonyo na muvila muje mu mbulu ya tuhya.

1 Samwele 20:3

Oloni Ndaviti wakumbulwile ngwendi, “Isho nazivuka mwamuvwa ngeci yove wanjizema manene, evi nayongola kasa kukulekavyo ngeci uvizivuke, omwo vikuzivisa ku mbunge longoto. Njilinakulisinga kuli yove a lizina lya Shukulu Kalunga wakuyoya ngwange yange kunjesi kulyala na kutsa!”

1 Samwele 26:24

Ngwe omo nayoyesa mwonyo wove ku litangwa lya lelo, Shukulu Kalunga alinge muje lalo kuli yange nakunjamena ku tuyando twoshe!”

1 Samwele 26:9

Oloni Ndaviti wendekele kuli Avishai ngwendi, “Kesi umuvulumune! Shukulu Kalunga akahisa woshe uje avulumuna uje yanavwavesa.”