Myaso 119:75 - Livulu lya Shukulu Kalunga

⁷⁵ Njazivuka ngeci mashiko ove apwa a vushunga yove Shukulu Kalunga, yove wapwa wa kulongwa ngeci wanjihisile.

Myaso 119:75 Iomraidhean Croise

Kushangumuka 18:25

Kuukasa kunyongesa vaka-vushunga amolika na vanu vaka-vuvi. Omwo ni kucitava! Kuukasa kulinga ngacije embwe! Nga cikafwa ngacije, vaka-vushunga vakavasompe ngwe vaka-vuvi. Nga ngoconi, co cacikalu. Yove u muka-kusompa wa ano asi oshe, co ukalingi mwa vushunga.”

Yombi 34:23

Njambi kesi kwimika simbu, ngeci atundise vantwama nakwingisamo veka lalo.

Myaso 119:128

Njikakava vilongesa vyove vyoshe, oloni njazinda vingila vyoshe vya kupenga-penga.

Myaso 119:160

Majwi ove oshe apwa a vushunga, mashiko ove oshe apwa a vushunga ku myaka yoshe.

Myaso 119:62

Akati ka vutsiki njiinduka nakukushangazala, omwo mashiko ove apwa a vushunga.

Myaso 119:7

Njikakushangazala na mbunge ya kulongwa, omo njililongesa mashiko ove akushungama.

Myaso 25:10

Akatwamenena na cizemo cendi cije kucesi kutenguluka na vushunga vwendi, voshe vaje vanyunga cikumiiyo cendi, nakwononoka mashiko endi.

Njelemiya 12:1

Yove Shukulu Kalunga, simbu yoshe wapwa u muka-vushunga, omo njinena n̄anda yange ku mesho ove. Nameme ngoco njinapande kukwihula a vushunga vwove. Omwo vikajo vaka-vuvi valinakuyoya mwamuvwa? Omwo vikajo vaka-vungungu vavezika?

Kwituluka mu Mashiko 32:4

“Shukulu Kalunga ikeye cimpaka ceni ca nzili wakulambasa na kwoloka mu vingila vyendi vyoshe. Njambi yeni wapwa wa kulongwa na vushunga, akalingi mwamuvwa nakushungama.

Kujombolola 3:19

Yange njivindika nakunyanyamesa vaje voshe vanjazema. Ngecivene, nyanyammeni, co tengulukeni ku vivi vyeni.