Myaso 119:50 - Livulu lya Shukulu Kalunga

⁵⁰ Njiwana kuzembeleka nameme njili mu tuyando, omwo cikulaeso cove canjanene mwonyo.

Myaso 119:50 Iomraidhean Croise

Myaso 119:25

Yange njishaka kutsa, njiindule, ngwe muje wanjikulaesele!

Myaso 119:38

Kolesa cikulaeso cove kuli yange ngamba yove, cikulaeso cije ukalingi kuli vaje vakukomoka.

Myaso 119:41

Yove Shukulu Kalunga njimwese cizemo cove cije kucesi kutenguluka, co njamene, ngwe ku cikulaeso cove.

Myaso 119:92

Nga kunjawanene kuvwaelela mu mashiko ove, nga njatsile mu simbu ya tuyando twange.

Myaso 138:7

Omo tuyando tunjizengeleka, yove unjinyunga mwamuvwa, co lalo uyeluwisa vukalu vwa vitozi vange, nakunjamena na nzili yove.

Myaso 27:13

Njazivuka ngeci njikamona vuvwa vwa Shukulu Kalunga mu lifuti lya vaka-kuyoya.

Myaso 28:7

Shukulu Kalunga akanjinyungu nakunjamena, njinakulaela kuli ikeye. Ikeye anjikwasa nakunjivwaelelesa, co njikaimba mwaso wakumushangazala.

Myaso 42:11

Omwo vikajo njinaviilila? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange na Njambi yange.

Myaso 42:8

Shukulu Kalunga amwese cizemo cendi cije kucesi kutenguluka ku mutanya, co njimwimbila mwaso ku vutsiki, kupwa lilombelo lya kuli Njambi yange wa mwonyo.

Myaso 94:19

Omo viyongola mu mbunge yange vyatumine, oloni yove wanjizembelekele nakunjivwaelelesa.

Njelemiya 15:16

Omwo wendekele kuli yange, njatolililile majwi oshe nakuwononoka, omwo njapwa nji wove, yove Shukulu Kalunga Njambi Muka-nzili yoshe.

Ezekiyele 37:10

Ngecivene, njambulwile vuka-kwimanena ngwe muvanjishikile. Co mwonyo wakovelele mu mivila, co vakele na mwonyo vemanene. Vapwile vavangi manene mukupwa mbunga ya mashwalale.

Yowano 6:63

Munzinzme wa Wakujela wa Njambi ikeye akaana mwonyo, kesi nzili ya munu. Majwi awa njinendeka kuli yeni akewo a Munzinzime, co anena mwonyo.

Loma 15:4

Vyuma vyoshe vije vivasonekele mu Visoneka vavisonekele mukutulongesa, ngeci tukale na cinyangavili cakutunda ku lukakateya nakukutakamesa kuje kutunda ku Visoneka.

Yakomba 1:18

Ku cizango cendi natutanga yetu a lijwi lya vushunga, ngeci tupwe mushoke wakulivanga akati ka vyoshe vije vyatangele.

1 Petulu 1:3

Tukandeleleni kuli Njambi na Ishe ya Mwene yetu Yesu Kilistu! Omwo a mema ku mbunge endi akama manene, natwana mwonyo wauha akusangula Yesu Kilistu ku vatsi. Eci cikeco citushulisa na cinyangavili cakuyoya,

1 Petulu 2:2

Pweni ngwe vimbututu vanasemuka ololo, simbu yoshe kaleni na lihwila lya mavele akujela a munzinzime, ngecivene, akunwako mukakola nakwovokelao.