Myaso 119:40 - Livulu lya Shukulu Kalunga

⁴⁰ Njishaka kwononoka mashiko ove, njane mwonyo wauha, omwo yove wapwa u muka-vushunga.

Myaso 119:40 Iomraidhean Croise

Myaso 119:107

Njinayanda manene, nyunga mwonyo wange Shukulu Kalunga ngwe muje muwanjikulaesele.

Myaso 119:149

Tolilila ku lijwi lyange Shukulu Kalunga ngwe ku cizemo cove cije kucesi kutenguluka, kumbulula lilombelo lyange, co njamene!

Myaso 119:156

Kutetela kwove kwapwa kwakama Shukulu Kalunga, njovole, ngwe ku vushunga vwove.

Myaso 119:159

Shukulu Kalunga, anuka muje munjazema vilongesa vyove, njovole ngwe ku cizemo cove cije kucesi kutenguluka.

Myaso 119:20

Mbunge yange inazeye, omwo kushungwiya mashiko ove simbu yoshe.

Myaso 119:25

Yange njishaka kutsa, njiindule, ngwe muje wanjikulaesele!

Myaso 119:37

Tengulwila mesho ange kweka, ngeci kesi njimone vyuma vyangoco, pwa wamuvwa kuli yange ngwe muje wanjikulaesele.

Myaso 119:5

Yange kunjishaka kuseza vilongesa vyove!

Myaso 119:88

Njamene ku kutsa ngwe ku cizemo cove cije kucesi kutenguluka, co njikononoka vizilika vyove.

Mateo 26:41

Toneni nakulombela kutewa mukovela mu vyeseko. Mbunge ishaka vene, oloni muvila unazeye.”

Mako 9:24

Aje vene ishe ya uje mwanike watambekele ngwendi, “Yange njinakulaela, oloni kesi manene. Njikwaseko ngeci njikulaele manene!”

Yowano 10:10

Mwizi akaija nakwiva lika nakutsiya nakunyongesa. Njinaija ngeci mukale na mwonyo, mwonyo waungi.

Yowano 5:21

Ngwe omo Ishe akasangula vatsi nakuvana mwonyo, ngecivene, mu ngila eyi lalo Mwana akana mwonyo kuli vaje ashaka.

Loma 7:24

Yange munu wakuvindama! Iyajo akanjamena ku muvila ou wa kutsa?

1 Kolinte 15:45

Omwo visoneka vyendeka ngwavyo, “Munu wakulivanga Andama, vamutangele munu wakuyoya”, oloni Andama wakukotokela ikeye mukakwana mwonyo wa Munzinzime.

2 Kolinte 7:1

Vikulaeso vyoshe evi vavilingilile yetu, vasamba vange. Ngecivene, tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.

Ngalatiya 5:17

Omwo cisemwa cetu ca vunu cilinakulwisa vije vyashaka Munzinzime, co lalo vije vyashaka Munzinzime vilinakulwisa vije vishaka cisemwa cetu ca vunu. Vyoshe evi vivali vyakala mu vutozi, co eci cinalumbunuka ngeci yeni kumwasa kulinga vije vimushaka kulinga.

Efeso 2:5

ngeci nambe omo twatsile ku munzinzime akujeneka kwononoka kwetu, watuyoyesele amo na Kilistu. Akutetela kwa Njambi ngeci munovoka.

3 Yowano 1:2

Musamba wange injazema, njilinakukulombelela ngwange vyuma vyoshe vyende mwamuvwa nove, co ukale na ciindu cacivwa, ngwe njazivuka ngwange ulimwamuvwa mu munzinzime wove.