Myaso 119:4 - Livulu lya Shukulu Kalunga

⁴ Yove unatwana mashiko ove Shukulu Kalunga, ngeci tuwononoke mwamuvwa.

Myaso 119:4 Iomraidhean Croise

Ezela 7:21

“Yange Mwene Aletasheleshe, njinashiki vamyata voshe vaka-kunyunga mbango ya vumwene mu lifuti lya mu Kangombe ka Yambi ka Yufuleti kwana vwasi Ezela, muka-kukombelela na muka-kulilongesa Mashiko a Njambi wa Mwilu, vyuma vyoshe vije vyamilomba,

Kutuuka 7:6

Mosesa na Alone valingile ngwe mwavashikile Shukulu Kalunga.

Njelemiya 7:23

Oloni njavashikile lika ngwange nga vanjononoka, yange njikapwa nji Njambi yavo, na vakevo vapwe vanu vange, co vyuma vyoshe vikakala mwamuvwa kuli vakevo.

Ezekiyele 20:19

Yange Kalunga Njambi yeni. Ononokeni mashiko ange nakushika kwange.

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Yowano 14:15

“Nga munjizema, mukononoka mashiko ange.

Yowano 14:21

“Woshe uje atambula mashiko ange nakuwononoka ikeye uje anjizema. Co Tate akazema woshe uje anjizema, nange lalo njikamuzema nakulisholola kuli ikeye.”

Kwituluka mu Mashiko 11:13

“Ngecivene, mukononoka mashiko ange awa anjilinakumishika ku litangwa lya lelo. Mukazema Shukulu Kalunga Njambi yeni nakumupangela na vimbunge vyeni vyoshe, na mwonyo weni woshe.

Kwituluka mu Mashiko 11:22

“Nga mukolesa nakunyunga mashiko oshe awa anjinamishiki, nakuzema Shukulu Kalunga Njambi yeni, nakwenda mu vingila vyendi vyoshe, nakukakateya kuli ikeye,

Kwituluka mu Mashiko 12:32

“Vyuma vyoshe vije vinjinamishiki mukavilinga nakunyanyama. Kesi mukawezeleleko cuma cimo nambe kutundisako cuma cimo embwe.

Kwituluka mu Mashiko 30:16

Nga yeni mwononoka mashiko a Shukulu Kalunga Njambi yeni, awa njilinakumyana ku litangwa lya lelo, akuzema Shukulu Kalunga Njambi yeni, nakwenda mu vingila vyendi, nakunyunga mashiko endi, na vizilika vyendi, na vilongesa vyendi, asinoni mukayoya, co mukapwa muvavangi. Co Shukulu Kalunga Njambi yeni akamivezikisa mu lifuti lije limukakovela nakulishwana.

Kwituluka mu Mashiko 4:1

Asinoni Mosesa wendekele kuli vanu va Isalele ngwendi, “Ononokeni mashiko oshe aje anjimilongesa, ngeci mukayoye nakukala mu lifuti lije lyakamyana Shukulu Kalunga Njambi ya vakukulwila veni.

Kwituluka mu Mashiko 4:9

“Nyanyameni nakulinyunga! Kesi mwivale vije mwamwene na mesho eni, kutewa vitunda mu vimbunge vyeni matangwa oshe akuyoya kweni, ngeci mukavileke vana veni na vatekulwila veni.

Kwituluka mu Mashiko 6:17

Mukakolesa kunyunga mashiko a Shukulu Kalunga Njambi yeni, na vukaleo vwendi, na vizilika vyendi vije namishiki.

Kwituluka mu Mashiko 6:3

Ngecivene, tolilileni, yeni vanu va Isalele, ononokeni nakuwanyunga mwamuvwa. Co mukatuma manene ngwe muje Shukulu Kalunga Njambi ya vakukulwila veni mwamikulaesele mu lifuti lije lyalivwa nevi vyakujenekamo vyai.

Yoshwa 1:7

Oloni kolesa lika nakusimpa manene, unyunge mashiko oshe aje akushikile ngamba yange Mosesa. Kesi ukalimbulule nambe litambelo limo, ngeci ukavezike mwamuvwa kwoshe kuje kuukaya.

1 Yowano 5:3

Omwo cizemo cetu kuli Njambi cilumbunuka ngeci twononoke mashiko endi. Co mashiko endi kesi amakalu kuli yetu embwe,