Myaso 119:37 - Livulu lya Shukulu Kalunga

³⁷ Tengulwila mesho ange kweka, ngeci kesi njimone vyuma vyangoco, pwa wamuvwa kuli yange ngwe muje wanjikulaesele.

Myaso 119:37 Iomraidhean Croise

2 Samwele 11:2

Litangwa limo, ku cingwezi, omo Ndaviti wakasumukile a tulo waile akamwa ya njuvo yendi. Omwo wakele nakwenda akamwa ya ciluli ca lipela lyendi, wamwene munakazi alinakujwela. Uje munakazi wapwile wamuvwa manene.

Yombi 31:1

Njinalikumiya cikumiiyo na mesho ange ngeci nalumo lwai njikakenga mumbanda na lishungu.

Myaso 119:25

Yange njishaka kutsa, njiindule, ngwe muje wanjikulaesele!

Myaso 119:40

Njishaka kwononoka mashiko ove, njane mwonyo wauha, omwo yove wapwa u muka-vushunga.

Myaso 71:20

Yove unanjimwesa tuyando twakama twakukaluwa, oloni ukanjiyoyesa lalo, ukanjitundisa lalo mu mbumbo.

Visimo 23:5

Vimbongo vyove vyasa kuhwa vwasi-vwasi, vyasa kupulula ngwe mwakapulula ngonga.

Visimo 4:25

Mesho ove akenge kulutwe lwove, kesi ukenge noku-noku.

Isaya 33:15

Mukasalao nga mwendeka nakulinga vije vya vushunga. Kesi mupangese nzili yeni na kunyanyamena tuutu, co kesi mutambule lizika-kanwa. Kesi mulipandakane na vaje vatumba matumbe akutsiya nambe kulinga vyuma vya vuvi.

Kulava 15:39

Vinzombo evi vikevyo vikamyanukisa mashiko ange oshe, co mukawononoka, kumukatengulukila lalo kweka kutunda kuli yange nakukava vizango vyeni na mashungu eni.

Mateo 5:28

Oloni yange njimileka ngwange, woshe akenga shwii munakazi na lishungu nalingi laja nendi vupangala mu mbunge yendi.

Yoshwa 7:21

Akati ka vyuma twakapukwile, njamwene cikoveyo cacivwa manene ca vaMbambilone, na makilo avali a siliva, na livundungulu lya ngolinde lya vulemu vwa litambelo lya kilo. Njavishakele manene ngeci njavyambatele. Co mukaviwana njavishitika mukati ka mbalaka yange, co siliva ili kwisi yavyo.”

1 Yowano 2:16

Omwo vyuma vyoshe vije vyakundama ku kaye, vije vishungwiya mashungu amavi a vunu, vije vanu vamona nakuvishungwiya na vyuma vyoshe vya muno mu kaye vije vanu vali na kulyalesa navyo, nacimo cai ali evi catunda kuli Tate, vyoshe evi vyatunda mu kaye.