Myaso 119:36 - Livulu lya Shukulu Kalunga

³⁶ Tengulwila mbunge yange mukwononoka ku mashiko ove, co kesi itengulukile ku cipululu embwe.

Myaso 119:36 Iomraidhean Croise

1 Vimyene 8:58

atupwise vaka-kumwononoka, ngecivene, simbu yoshe tukayoye ngwe mwashaka yetu kuyoyamo, nakunyunga mashiko endi oshe nakushika kwoshe kwaanene kuli vakukulwila vetu.

Myaso 10:3

Muka-vuvi alyalesa na mashungu a mu mbunge yendi, co muka-cipululu asinga nakuvyana Shukulu Kalunga.

Myaso 141:4

Njinyunge kutewa njilinga vyuma vya kupenga-penga, nambe kulipandakana na vaka-vuvi mu vilinga vyavo vyavivi. Kesi njilipandakane navo mu viwano vyavo.

Myaso 51:10

Yove Njambi, tanga mbunge yakujela muli yange, co aka cizemo caciha cije kucesi kutenguluka muli yange.

Kutuuka 18:21

Oloni unapande kwangula vanalume vamo vakunyanyama uvemike vapwe vantwama va vanu, vantwama va makulukazi, na ava va viita, na ava va makumi atanu, na ava va likumi. Vakevo vanapande kupwa vanalume vakukomoka Njambi, va vushunga, vaka-kuzinda lizika-kanwa.

Njelemiya 32:39

Njikavana ciyongola cimo mukuyoya kwavo, mukunjisingimika simbu yoshe, omwo a vuvwa vwavo, na a vuvwa vwa vatekulwila vavo.

Ezekiyele 33:31

Ngecivene, vanu vange valikungulula nakuziva vije wendeka, oloni kuvashaka kulinga vije viwuvaleka ngeci vavilinge. Vapwisa majwi ove ngwe myaso ya cizemo, oloni vatwalao kulinga vingila vyavo vya cipululu.

Hambakuke 2:9

Munavindama! Munafukisa naanga yeni na vije mwambatele akupanga muuka, co munatungu membo amavwa muje muli kwoloka ngeci naanga yeni kesi vakale mu vushonde!

Luka 12:15

Co wendekele navo voshe ngwendi, “Nyanyameni nakulinyunga ku cipululu coshe, omwo kuyoya kwa munu kukwakundamene ku vyuma vyali navyo, nambe afuke vati.”

Luka 16:14

Omo vaFaliseo vazivile vyoshe evi, co vakevo vashendumwine Yesu, omwo vazemene vimbongo.

Efeso 5:3

Akupwa mu vana va Njambi, kesi mwamuvwa ngeci mukale majwi amo a vupangala, nambe vya mazilo, nambe vya cipululu, kesi muvisimutwiye akati keni.

Kolose 3:5

Ngecivene, munapande kutsiya mashungu a ano asi aje alinakupanga muli yeni, ngwe vupangala na mazilo na mashungu amavi na cizemo cacivi na cipululu (omwo eci cipululu cikeco cifwa cakulemesa tumponya).

1 Timateo 6:17

Shika vaje vanafuku mu vyuma vya mwonyo ou ngeci kesi valyalese, oloni vaake cinyangavili cavo, kesi mu vyuma vya cifwa ca vufuko, oloni muli Njambi, uje muka-kushemutwisa vyuma vyoshe kuli yetu ngeci tuvivwaelele.

VaHevelu 13:5

Kesi mukakateye mu cizemo ca vimbongo, pweni vaka-kujauka na vyuma vije mulinavyo. Omwo Njambi nendeka ngwendi, “Kunjikamiseze nalumo lwai nambe kumivyana.”

2 Petulu 2:14

Vakevo kuvashaka kukenga a cuma ceka kuvanga akulinga vupangala, lilaku-laku lyavo lya vuvi kulyesi kujauka. Vakatwamenena vanu vakakuzeya ngeci vatse mu mweto. Vimbunge vyavo vyalilongesa kukala na cipululu. Vakevo vali mwisi ya cisingo ca Njambi!

2 Petulu 2:3

Co mu cipululu cavo, ava valongisi va makuli vakawana nganyo akumileka tusimilili. Omwo a simbu yakama ololo Lyaako wavo nalivwaesela cimweja, co Muka-kunyongesa wavo ali laja mu mesho!