Myaso 119:34 - Livulu lya Shukulu Kalunga

³⁴ Njane mana ngeci njinyunge mashiko ove, co njikawononoka na mbunge yange yoshe.

Myaso 119:34 Iomraidhean Croise

1 Mizimbu 22:12

Shukulu Kalunga Njambi yove akwane kuzivisisa na mana, ngeci wase kushwana Isalele ngwe ku lishiko lyendi.

Yombi 28:28

“Njambi wendekele kuli vanu ngwendi, ‘Kupwa vaka mana, munapande kukomoka Shukulu Kalunga. Co mukuzivisisa, munapande kutunda ku vuvi.’ ”

Myaso 111:10

Kukomoka Shukulu Kalunga kunapu vushangumukilo vwa mana, voshe vaje vanyunga mashiko endi vali na mana. Vashangazale Shukulu Kalunga ku myaka yoshe!

Myaso 119:10

Njikulemesa na mbunge yange yoshe, kesi unjitave kuseza mashiko ove.

Myaso 119:100

Omwo njapwa muka-kwononoka mashiko ove, njili na mana manene kutuvakana vaje vanayoyo myaka yaingi.

Myaso 119:104

Mashiko ove anjipwise muka-kuzivisisa, ngeci njizinde vyuma vyoshe vyavivi.

Myaso 119:125

Yange nji ngamba yove, njane mana, ngeci njizivuke vilongesa vyove.

Myaso 119:130

Kununguluka kwa vilongesa vyove kwana ceke, kwana mana kuli vaje kuvazivuka.

Myaso 119:144

Vizilika vyove vyapwa vya vushunga ku myaka yoshe, njane mana akuvizivuka ngeci njiyoye.

Myaso 119:169

Lilombelo lyange lyete kuli yove Shukulu Kalunga, njane mana akutunda ku lijwi lyove.

Myaso 119:2

Vanavezika vanu vaje vanyunga vizilika vya Shukulu Kalunga, nakumwononoka na vimbunge vyavo vyoshe.

Myaso 119:58

Njikulomba na mbunge yange yoshe, ukale na mema ku mbunge ali yange, ngwe muje wanjikulaesele!

Myaso 119:66

Njilongese mana nakuzivisisa omwo njakulaela mu mashiko ove.

Myaso 119:69

Vaka-kulyalesa vendeka makuli ali yange, oloni yange njikononoka vilongesa vyove, na mbunge yange yoshe.

Myaso 119:73

Yove wanjitangele, njane mana ngeci njililongese mashiko ove.

Myaso 39:2

Njolokele kuluu, kunjendekele lijwi limo, nameme kwendeka a cuma cimo cacivwa! Oloni nameme ngoco tuyando twange twatumine manene,

Mateo 5:19

Ngecivene, woshe apokola lishiko limo lya ku majwi a Lishiko, co alongesa vanu ngeci valingemo, akapwa wamundondo mu Vumwene vwa mwilu, oloni woshe akawononoka nakuwalongesa vakwavo, akapwa wakama mu Vumwene vwa mwilu.

Mateo 7:24

“Ngecivene, woshe aziva majwi ange awa nakuwononoka, napu ngwe munalume uje wakunyanyama watungilile njuvo yendi a limanya.

Yowano 7:17

Woshe ashaka kulinga vije vyashaka Njambi akazivuka nga evi njilinakulongesa vitunda kuli Njambi nambe nga njilinakwendeka na moko yange.

Kwituluka mu Mashiko 4:6

Ngecivene, ononokeni mashiko, co eci cikamwesa vanu va miyati yeka mana eni. Omo vakaziva mashiko oshe awa, co vakendeka ngwavo, ‘Mwa vushunga muyati ou vali na mana nakuzivisisa kwakuvwa!’

Yakomba 1:25

Oloni woshe uje akengesesa a mashiko akujela aje akapatula vanu, co uje kawatolilila lika asinoni awevala, oloni awapangesa, munu uje Njambi akamuvezikisa mu vyoshe vije alinga.

Yakomba 1:5

Oloni nga kuli umo weni najeneka mana, alombe kuli Njambi, uje akamwanawo, omwo Njambi akana kuli vanu voshe nakushemutuka na kutetela.

Yakomba 4:11

Vasamba vange, kesi mulizungise umo na mukwavo. Woshe uje afweya nambe asompa mukwavo muka-Yesu alinakuzungisa Lishiko nakulisompa. Nga usompa Lishiko, co yove lalo kuwapwile u munu muka-kwononoka Lishiko, oloni unapu u muka-kulisompa.