Myaso 119:26 - Livulu lya Shukulu Kalunga

²⁶ Njalitavelele vyoshe vije njalingile, co yove wanjikumbulwile, njilongese mashiko ove!

Myaso 119:26 Iomraidhean Croise

1 Vimyene 19:10

Elinja wakumbulwile ngwendi, “Shukulu Kalunga Njambi Muka-nzili yoshe, yange simbu yoshe njakupangela, yove lika. Oloni vanu va Isalele vanapokola cikumiiyo cavo nove, vanasiwula mitula yove, co vanatsii vaka-kwimanena vove voshe. Ange lika njasalako, co lalo vashaka kunjitsiya!”

1 Vimyene 8:36

co vatolilile omo mwilu muwakala. Sambesa vuvi vwa mwene na vwa vanu vendi va Isalele. Valongese kulinga vije vyavivwa. Cooni, Shukulu Kalunga, nyokesa nyonzi mu lifuti lyove, eli waanene kuli vanu vove kupwa vufuko vwa myaka yoshe.

2 Vimyene 20:3

“Shukulu Kalunga, anuka ngeci yange njakupangela nakukukulaela na kulongwa, simbu yoshe njinakele nakulinga vije viwashakele ngeci njivilinge.” Co walilile manene.

2 Vimyene 20:5

“Iluka lalo kuli Hezekiya muka-kushwana vanu vange, co endeka kuli ikeye ngwove, ‘Yange Kalunga, Njambi ya kukulwila yove Ndaviti, njinazivi lilombelo lyove, co njamono misozi yove. Njikakukangwisa, omo kuneti matangwa atatu ukaya ku Njuvo yange.

Myaso 119:106

Njinalisingi cisingo nakucikolesa, ngeci njikakavangeya mashiko ove a vushunga.

Myaso 119:12

Shukulu Kalunga njikushangazala, njilongese mashiko ove.

Myaso 25:4

Njilongese vingila vyove yove Shukulu Kalunga, ngeci njivizivuke.

Myaso 27:11

Shukulu Kalunga njilongese vije viwushaka ngeci njivilinge, co njitwamenene mu ngila yakujeneka vushonde, omwo njili na vitozi vavangi.

Myaso 32:5

Njalitavelele vivi vyange kuli yove, co kunjakushwekelele vuvi vwange, njalyendekesele mu mbunge yange ngwange, “Njikalitavela vivulumuna vyange kuli yove Shukulu Kalunga,” co yove wanjisambesele ku milonga ya vuvi vwange.

Myaso 38:18

Njilitavela vuvi vwange, vukevwo vulinakunjizivisa shwamwa.

Myaso 86:11

Njilongese yove Shukulu Kalunga, ngeci njononoke vushunga vwove, simbu yoshe njipwise muka-vushunga.

Visimo 28:13

Uje ashweka vuvi vwendi kakavezika, oloni uje alitavelavwo nakuvuseza Njambi akamuzivila mema ku mbunge.