Myaso 119:2 - Livulu lya Shukulu Kalunga

² Vanavezika vanu vaje vanyunga vizilika vya Shukulu Kalunga, nakumwononoka na vimbunge vyavo vyoshe.

Myaso 119:2 Iomraidhean Croise

1 Vimyene 2:3

linga vije vyakushika Shukulu Kalunga Njambi yove. Enda mu vingila vyendi nakunyunga vizilika vyendi, na mashiko endi, na vilongesa vyendi, na vukaleo vwendi ngwe muvavisoneka mu Lishiko lya Mosesa, ngeci ukavezike mu vyoshe viwukalinga kwoshe kuukaya.

1 Mizimbu 22:19

Ololo pangeleni Shukulu Kalunga Njambi yeni na vimbunge vyeni vyoshe, na mwonyo weni woshe. Shangumukeni kutunga Njuvo ya Shukulu Kalunga, ngeci mwakemo Cikasa ca Cikumiiyo ca Shukulu Kalunga, na vyuma vyoshe vyakujela vyakupangesa akumulemesa.”

2 Mizimbu 31:21

Vipangi vyoshe vyapangele vya ku Njuvo ya Shukulu Kalunga na vije vyalingile ngwe ku Mashiko na vizilika, mukushaka Njambi yendi, wavilingile na mbunge yendi yoshe, co wavezikile.

Myaso 105:45

Njambi walingile vyuma evi ngeci vanu vendi vanyunge vizilika vyendi, nakwononoka lalo mashiko endi. Shangazaleni Shukulu Kalunga!

Myaso 119:10

Njikulemesa na mbunge yange yoshe, kesi unjitave kuseza mashiko ove.

Myaso 119:101

Yange njinatundu mu vingila vyoshe vya vuvi, ngeci njononoke lijwi lyove.

Myaso 119:115

Tundeni kuli yange yeni vaka-kulinga vuvi, ngeci njinyunge mashiko a Njambi yange.

Myaso 119:146

Njikulambelela ngeci unjovole, co njikanyunga mashiko ove.

Myaso 119:17

Linga mwamuvwa kuli yange ngamba yove, ngeci njiyoye nakwononoka vilongesa vyove.

Myaso 119:22

Kesi uvatave ngeci vanjishaule nakunjiyengula, omwo njinanyungu mashiko ove.

Myaso 119:33

Shukulu Kalunga njilongese kukavangeya mashiko ove, co njikaanyunga simbu yoshe.

Myaso 119:34

Njane mana ngeci njinyunge mashiko ove, co njikawononoka na mbunge yange yoshe.

Myaso 119:57

Shukulu Kalunga yove lika injishaka, njikulaesa kwononoka mashiko ove.

Myaso 119:69

Vaka-kulyalesa vendeka makuli ali yange, oloni yange njikononoka vilongesa vyove, na mbunge yange yoshe.

Myaso 119:88

Njamene ku kutsa ngwe ku cizemo cove cije kucesi kutenguluka, co njikononoka vizilika vyove.

Myaso 25:10

Akatwamenena na cizemo cendi cije kucesi kutenguluka na vushunga vwendi, voshe vaje vanyunga cikumiiyo cendi, nakwononoka mashiko endi.

Visimo 23:26

Munange tolilila mwamuvwa, kuyoya kwange kupwe cimweso kuli yove.

Njelemiya 29:13

Mukanjishakezeka, co mukanjiwana, omwo mukanjishakezeka na vimbunge vyeni vyoshe.

Ezekiyele 36:27

Njikaka Munzinzime wange muli yeni, nakumona ngeci mulinakukavangeya mashiko ange, nakunyunga mashiko oshe anjikamyana.

Yowano 14:23

Yesu wamukumbulwile ngwendi, “Woshe anjizema ononoke vilongesa vyange. Co Tate akamuzema, co tukaija nakukala muli ikeye.

Kwituluka mu Mashiko 4:29

Co kuje mukashakezeka Shukulu Kalunga Njambi yeni, co nga mukamushakezeka na vimbunge vyeni vyoshe, na mwonyo weni woshe, co mukamuwana.

Kwituluka mu Mashiko 6:17

Mukakolesa kunyunga mashiko a Shukulu Kalunga Njambi yeni, na vukaleo vwendi, na vizilika vyendi vije namishiki.

Kwituluka mu Mashiko 6:5

Zemeni Shukulu Kalunga Njambi yeni na vimbunge vyeni vyoshe, na mwonyo weni woshe, na nzili yeni yoshe.

1 Yowano 3:20

Nga citaku-taku cetu cituvayesa, co tunazivuka ngwetu Njambi ikeye wakama manene kutuvakana citaku-taku cetu, co azivuka vyuma vyoshe.