Myaso 119:172 - Livulu lya Shukulu Kalunga

¹⁷² Njikaimba vya mashiko ove, omwo mashiko ove apwa a vushunga.

Myaso 119:172 Iomraidhean Croise

Myaso 119:128

Njikakava vilongesa vyove vyoshe, oloni njazinda vingila vyoshe vya kupenga-penga.

Myaso 119:13

Njikelukilamo kwendeka mashiko oshe, aje awunanjana yove Shukulu Kalunga.

Myaso 119:138

Vilongesa vije unaana vinapu vya vushunga, co lalo vinapu vyavivwa.

Myaso 119:142

Kushungama kwove kwapwa kwa myaka yoshe, na mashiko ove simbu yoshe apwa a vushunga.

Myaso 119:46

Njikambulula mashiko ove ku vimyene, co kunjikazivi shwamwa,

Myaso 119:86

Mashiko ove oshe anapu a vushunga, njikwase Shukulu Kalunga, vanu vaka-makuli valinakunjipesa.

Myaso 37:30

Majwi a munu wamuvwa apwa a mana, co ikeye akendeka vushunga simbu yoshe.

Myaso 78:4

kutukavishwekela vana vetu embwe, oloni tukavileka ku cisemwa cije cikaija kulutwe, a nzili ya Shukulu Kalunga na vilinga vyendi vyakama, na vyuma vyakukomokesa vije vyanalingi.

Loma 7:12

Ngecivene, Lishiko likelyo lyapwa lyakujela, co nakushika kwapwa kwakujela na vushunga na vuvwa.

Loma 7:14

Twazivuka ngwetu Lishiko linapu lya ku munzinzime, oloni yange njinapu munu wa muvila wa situ, wakulandesa ngwe ndungo ku vuvi.

Efeso 4:29

Kesi mupangese majwi amavi omo mwendeka, oloni pangeseni majwi amavwa akukwasa, aje asa kutunga nakumyana vije vimunajeneka, ngeci vyoshe mwendeka vikapwe vyavivwa kuli voshe vaje vamitolilila.

Kwituluka mu Mashiko 6:7

Alongeseni kuli vana veni nakuwasimutwiya omo muli mu vinjuvo vyeni, nambe mulinakwenda mu ngila, nambe simbu ya kulala, nambe omo mupanga.

Kolose 4:6

Endekesi yeni simbu yoshe inapande kupwa yaivwa ya mbwase nakuvwaelelesa, co zivukeni vati mu munapande kukumbulwila mwamuvwa kuli vanu voshe.