Myaso 119:151 - Livulu lya Shukulu Kalunga

¹⁵¹ oloni yove Shukulu Kalunga uli kuyehi nange, co mashiko ove oshe apwa a vushunga.

Myaso 119:151 Iomraidhean Croise

Myaso 119:138

Vilongesa vije unaana vinapu vya vushunga, co lalo vinapu vyavivwa.

Myaso 119:142

Kushungama kwove kwapwa kwa myaka yoshe, na mashiko ove simbu yoshe apwa a vushunga.

Myaso 119:144

Vizilika vyove vyapwa vya vushunga ku myaka yoshe, njane mana akuvizivuka ngeci njiyoye.

Myaso 139:2

Yove uzivuka vyuma vyoshe vinjikalingi, nambe uli kulyala, oloni uzivuka viyongola vyange vyoshe.

Myaso 145:18

Ikeye ali muyehi na vanu vaje voshe vatambeka kuli ikeye, vanu vaje vatambeka kuli ikeye mu vushunga.

Myaso 34:18

Shukulu Kalunga ali muyehi na vaje vanazeye mu vimbunge, ikeye amena vaje vanajeneka cinyangavili.

Myaso 46:1

Njambi ikeye vutewelo vwetu na nzili yetu, wakala muyehi-yehi netu nakutukwasa a simbu ya tuyando.

Myaso 75:1

Tukukandelela yove Njambi, tukukandelela! Twambulula vukama vwove na vilinga vyove vyakukomokesa viwunalingi!

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

Kwituluka mu Mashiko 4:7

“Kukwesi muyati weka wakama lalo, nambe wakufwa vati, vaje vali na njambi yavo muyehi, omo vakevo vamushaka, ngwe Shukulu Kalunga Njambi yetu ali netu. Ikeye atukumbulula omo tulomba kuli ikeye.