Myaso 119:144 - Livulu lya Shukulu Kalunga

¹⁴⁴ Vizilika vyove vyapwa vya vushunga ku myaka yoshe, njane mana akuvizivuka ngeci njiyoye.

Myaso 119:144 Iomraidhean Croise

Myaso 119:138

Vilongesa vije unaana vinapu vya vushunga, co lalo vinapu vyavivwa.

Myaso 119:151

oloni yove Shukulu Kalunga uli kuyehi nange, co mashiko ove oshe apwa a vushunga.

Myaso 119:152

Ku san̄ulu njalilongesele mashiko ove, njawanene ngeci akewo waapwisile ngeci akaleko myaka yoshe.

Myaso 119:169

Lilombelo lyange lyete kuli yove Shukulu Kalunga, njane mana akutunda ku lijwi lyove.

Myaso 119:17

Linga mwamuvwa kuli yange ngamba yove, ngeci njiyoye nakwononoka vilongesa vyove.

Myaso 119:34

Njane mana ngeci njinyunge mashiko ove, co njikawononoka na mbunge yange yoshe.

Myaso 119:66

Njilongese mana nakuzivisisa omwo njakulaela mu mashiko ove.

Myaso 119:73

Yove wanjitangele, njane mana ngeci njililongese mashiko ove.

Myaso 19:9

Kukomoka Shukulu Kalunga kunapu kwakuvwa ku myaka yoshe, mashiko a Shukulu Kalunga simbu yoshe apwa a vushunga.

Visimo 10:21

Majwi a muka-vushunga ahwimisa vimbunge vya vanu vavangi, oloni nga u cilema, co wasa kulitsiya lika yove vavenya a mana.

Visimo 4:4

tate wanjilongesele wendekele ngwendi, “Mbunge yove ikwate majwi ange, anyunge, co ukayoya.”

Visimo 7:2

Nyunga mashiko ange, co ukayoya, nyunga vilongesa vyange ngwe muukanyungu vufuko vwaseo yakama.

Isaya 27:11

Omo minango ya miti ijujwama nakupokozoka, co vanakazi vaikungulula nakuyipwisa vitale. Oloni vanu vavo vapwa vikolokomba ngeci Njambi uje wavatangele kakavazivila mema ku mbunge nambe kuvazivilako ngozi.

Njelemiya 4:22

Shukulu Kalunga alinakwendeka ngwendi, “Vanu vange vanapu vilema kuvanjizivuka. Vanafu ngwe vanike va vilema, vaje kuvesi na mana. Vazivuka manene kulinga vyavivi, oloni kuvazivuka kulinga vyavivwa.”

Ndanyele 12:10

Vanu vavangi vakavajelesa. Oloni vaje vaka-kupenga-penga kuvakazivisisa vyuma evi, anga vakalinga vene vuvi, kuvanga lika vaje vali na mana vakevo vakazivisisa.

Hoziya 4:6

Vanu vange vali na luvinda omwo kuvesi nakunjononoka. Yeni vaka-kukombelela munavyana kunjononoka, co lalo munavyana vilongesa vyange, ngecivene, njikamivyana, co kunjikatava vana veni kupwa vaka-kukombelela vange.

Mateo 13:19

Voshe vanu vaje vaziva majwi awa a Vumwene vwa Njambi oloni kuvawazivisisa, vanapu ngwe vimbuto vije vyawililile kumukulo wa ngila. Uje Muka-vuvi aija nakunyangulamo vije vivakuvile muli vakevo.

Mateo 5:18

Mwa vushunga njimileka ngwange, kuvanga lilu na asi vineti, oloni ku majwi a Lishiko kukukatundu kalilaka kamo, nambe kakandondo, kuvanga vyoshe vanavishulisa.

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.