Myaso 119:136 - Livulu lya Shukulu Kalunga

¹³⁶ Mesho ange ali na misozi manene, omwo vanu kuvesi nakwononoka lishiko lyove.

Myaso 119:136 Iomraidhean Croise

Ezela 10:1

Omo Ezela wakele nakulombela, nakulitavela, nakulila, nakulyumbila asi kulutwe lwa Njuvo ya Shukulu Kalunga, mbunga yakama ya vaIsalele, vanalume, na vanakazi, na vanike, valikungulwilile kuli ikeye, nakulila manene.

Myaso 119:158

Omo njikenga ali vaka-vungungu, njiziva kuviya manene mu mbunge, omwo kuvesi kunyunga mashiko ove.

Myaso 119:53

Njikaluvala manene omo njimona vaka-vuvi kuvononoka mashiko ove,

Njelemiya 13:17

Oloni nga kumutolilila, co njikalilila kwalikalyange omwo kulyalesa kweni, njikalila manene, co misozi yange ikolomoka omo vanu va Shukulu Kalunga vavatwala ku vunzinda.

Njelemiya 14:17

Shukulu Kalunga wanjishikile ngeci njileke vanu ngwange Shukulu Kalunga nendeka ngwendi, “Mesho ange alinakuyengela misozi mutanya na vutsiki, kunjilikele kulila, omwo vanu vange vanavetwa manene, co vanavulumuka mwamuvi.

Njelemiya 9:1

Tawee, ngwe mutwe wange wapwile lisima lya mema, co na mesho ange ngwe lisima lya misozi, ngeci njase kulila mutanya na vutsiki omwo vanu vange vaje vavanatsii.

Njelemiya 9:18

Vanu vendekele ngwavo, “Valekeni vazambule, ngeci vakwimbe mwaso wa vusiwa, noo mesho etu anashulu na misozi, ngeci vin̄apeyo vyetu vijule na misozi.”

Ezekiyele 9:4

“Ya wite mu nganda yoshe ya Yelusalema, nakwaka cizivukiso a luholo lwa munu na munu uje alinyenga, co ali na vusiwa, omwo a vyuma vya vunyengwe vije vilinakulingiwa mu nganda.”

Luka 19:41

Yesu wetele kuyehi na nganda, co omo waimwene, walilile manene

1 Samwele 15:11

“Njalisimoka omo njaakele Saulu a vumwene, ikeye nanjikengesa nima, navyana mashiko ange.” Co Samwele waluvalele, walililile kuli Shukulu Kalunga vutsiki vwoshe.