Myaso 119:126 - Livulu lya Shukulu Kalunga

¹²⁶ Simbu yove yakupanga inete Shukulu Kalunga, omwo vanu kuvesi nakwononoka mashiko ove.

Myaso 119:126 Iomraidhean Croise

Kushangumuka 22:14

Avilahama walukile lizina lya mutambela uje ngwendi “Shukulu Kalunga Aliwanena.” Co nameme ku lelo vene vanu valinakwendeka ngwavo, “A munkinda wa Shukulu Kalunga ikeye vavenya Shukulu Kalunga aliwanena.”

1 Vimyene 19:10

Elinja wakumbulwile ngwendi, “Shukulu Kalunga Njambi Muka-nzili yoshe, yange simbu yoshe njakupangela, yove lika. Oloni vanu va Isalele vanapokola cikumiiyo cavo nove, vanasiwula mitula yove, co vanatsii vaka-kwimanena vove voshe. Ange lika njasalako, co lalo vashaka kunjitsiya!”

Myaso 102:13

Kala na mema ku mbunge na Siyone, omwo simbu inete yakumutetela, ino ikeyo vene simbu yaivwa!

Myaso 102:14

Vangamba vove vazema Siyone, nameme ikeyo vanainyongesa, vangamba vove vaizivila mema ku mbunge, nameme inapu ngundu.

Myaso 9:19

Ija, Shukulu Kalunga! Kesi utave munu akuhyane embwe! Imika vaka-vuvi mu mbanja ngeci uvasompe.

Isaya 42:14

Njambi alinakwendeka ngwendi, “Njinoloka kuluu simbu yakama, kunjakumbulwile vanu vange. Oloni ololo simbu yakulinga cuma cimo inete, njikatambeka ngwe munakazi akita.

Njelemiya 8:8

Vatijo mwendeka ngweni munapu vaka-mana, co lalo muzivuka mashiko ange? Oloni valongisi vanatengulula mashiko ange kuwapwisa a makuli.

Hambakuke 1:4

Mashiko anapu akuzeya, co maako kuvesi kwakula vin̄anda mu ngila ya vushunga. Vaka-vuvi vanahyana vaka-vushunga mu vimbanja, co vushunga kuvwesi nakulingiwa.

Malakiya 2:8

“Oloni yeni vaka-kukombelela munatundu mu ngila ya vushunga. Vilongesa vyeni vinatanukisa vavangi. Munapokola cikumiiyo cije njalikumiiye neni.

Mateo 15:6

kapandele kusingimika ishe. Mu ngila eyi munazimangana lishiko lya Njambi ngeci mukavangeye vilongesa vyeni.

Loma 3:31

Kuma eci cinalumbunuka ngeci akukulaela tunavyana Lishiko ndi? Embwe, kesi ngoco, oloni tulinakukolesa Lishiko.

Loma 4:14

Omwo nga vije vyakulaesa Njambi vavyana kuli vaje vononoka Lishiko, co kukulaela kwa munu kupwa kwangoco, co cikulaeso ca Njambi cinapu cakujeneka seo.

Kwituluka mu Mashiko 32:36

Shukulu Kalunga akapatula vanu vendi, omo akamona ngeci nzili yavo inahu. Ikeye akakala na mema ku mbunge ali vaje vamupangela, omo akavamona ngeci vanazeye.