Myaso 119:118 - Livulu lya Shukulu Kalunga

¹¹⁸ Yove uvyana voshe vaje vajeneka kwononoka mashiko ove, matumbe avo apwa a makuli.

Myaso 119:118 Iomraidhean Croise

Myaso 119:10

Njikulemesa na mbunge yange yoshe, kesi unjitave kuseza mashiko ove.

Myaso 119:21

Yove ukendekela vanu vaka-kulyalesa, vanasingiwa vaje kuvononoka mashiko ove.

Myaso 119:29

Njinyunge ku vingila vya makuli, mu ngozi yove, njilongese mashiko ove.

Myaso 78:57

Oloni vapwile vaka-kujeneka kulongwa nakujeneka kukulaela ngwe vakukulwila vavo, kuvapwile va vushunga, vapwile ngwe mukili wa kupenga-penga.

Myaso 95:10

Njaluvalele na cisemwa cije a myaka makumi awana, co njendekele ngwange, ‘Vakevo vanapu vakujeneka kulongwa, valinakuvyana mashiko ange!’

Visimo 12:20

Visinganyeka vyavivi vyapwa vya makuli, oloni viyongola vyavivwa vinena kuvwaelela.

Isaya 25:10

Shukulu Kalunga akanyunga Munkinda wa Siyone, oloni vanu va Mowavi vakavalyatangela ngwe muje vakalyatangela vishati ngeci vipwe vwilo.

Isaya 44:20

Mana angacije vunene anapu ngwe kulya manungu. Viyongola vya munu ou vinapu vya vulema, vinamusevwisa, ngeci kukwesi seo lalo yai. Kanangukile ngeci ngwendi aka kamponya kanakwata mu livoko lyendi kukapwile njambi embwe.

Isaya 63:3

Shukulu Kalunga alinakukumbulula ngwendi, “Njinalyatangela miyati ya vanu ngwe mikolovozi ya vushuka vwa vinyu, co naumo wai wezile mukunjikwasa. Njavalyatangelele na vukalu vwange, co maninga avo anatasanga a vuzalo vwange vwoshe.

Malakiya 4:3

A litangwa lije omo njikalinga, mukafungulula vaka-vuvi, co vakapwa ngwe likungu mwisi ya myanja yeni.

Luka 21:24

Vamo vakavatsiya na mukwale, co vakwavo vakavatwala vunzinda ku mafuti eka, co vaka-kujeneka kukulaela vakalyatangela Yelusalema noo simbu yavo inete.

Efeso 4:22

Ngecivene, umbileni kuti vunu vweni vwalaja, vuje vwamilingisile ngeci muyoye ngwe muje mwayoyele, vunu vwalaja vuje vuya nakunyonga na mashungu avwo a makuli.

Efeso 5:6

Kesi mutave umo amikwise na majwi a makuli, omwo a vyuma evi vukalu vwa Njambi vukakala ali vaje vaka-kujeneka kumwononoka.

2 Timateo 3:13

co vanu vaka-vuvi na vaka-manseno vakatwalelelao kulinga vuvi manene, nakukwisa vakwavo nakulikwisa vakevo vavenya.

1 Yowano 2:21

Ngecivene, Njilinakumisonekela, kesi ngwe omwo kumuzivuka vushunga embwe, oloni omwo munavuzivuka, co lalo mwazivuka ngweni makuli naamo ai atunda ku vushunga.

Kujombolola 14:20

Co vuje vushuka vavukamwinine mu cikamwino anja ya nganda, co maninga atundile mu cikamwino asindumukile ngwe livazi, co aje maninga asindumukilile kulyala kupwa makilomita 300 mu vulaja, co mu vwihi vwakulova apwile mamita avali.

Kujombolola 18:23

Naumo wai lalo akamona ceke ca ndeya muli yove, nalumo lwai lalo vakaziva lijwi lya shombolwa na vavenya vulo muli yove. Vaka-kulanda vove vapwile vaka-nzili manene mu kaye mwoshe, co wakwisile vanu voshe va mu kaye na manseno ove a makuli!