Myaso 119:116 - Livulu lya Shukulu Kalunga

¹¹⁶ Njitakamese ngwe muje muwanjikulaesele, ngeci njiyoye, kesi uzimangane cinyangavili cange embwe!

Myaso 119:116 Iomraidhean Croise

Myaso 119:17

Linga mwamuvwa kuli yange ngamba yove, ngeci njiyoye nakwononoka vilongesa vyove.

Myaso 119:6

Nga njitolilila mwamuvwa ku mashiko ove oshe, co kunjikalingi cuma cimo ca shwamwa.

Myaso 25:2

Muli yove Njambi yange njinakulaela. Shwamwa kesi injikole, vitozi vange kesi vanjifungulule!

Myaso 37:17

Shukulu Kalunga akatundisa nzili ya vaka-vuvi, oloni akanyunga vaje vanapu vavavwa.

Myaso 37:24

Nga vawa, kakavecelela vakale asi embwe, omwo Shukulu Kalunga akavakwata na livoko lyendi.

Myaso 41:12

Yove ukanjikwasa, omwo njikalingi vya vushunga, co njikatumbama ku mesho ove ku myaka yoshe.

Myaso 54:4

Oloni Njambi ikeye mukwasi wange, Shukulu Kalunga ikeye cimpaka cange!

Myaso 63:8

Njikakateya kuli yove, co livoko lyove linjinyunga mwamuvwa.

Myaso 94:18

Njendekele ngwange, “Lindi lyange lyasenutuka,” oloni yove Shukulu Kalunga, cizemo cove cije kucesi kutenguluka canjikolesele.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 42:1

Shukulu Kalunga alinakwendeka ngwendi, “Kengeni ngamba yange uje injinatakamesa, uje injinaangula, muli ikeye njinavwaelela. Njikaka munzinzime wange ali ikeye, co akanena vushunga ku mafuti oshe.

Isaya 45:17

Oloni Shukulu Kalunga akamena Isalele, co akahyana ku myaka yoshe, vanu vendi kuvakazivi shwamwa.’ ”

Loma 10:11

Visoneka vyendeka ngwavyo, “Woshe uje akulaela kuli ikeye kakazivi shwamwa.”

Loma 5:5

Co cinyangavili eci kucasa kutuzivisa shwamwa, omwo Njambi netila cizemo cendi mu vimbunge vyetu ali Munzinzime Wakujela, ikeye napu vwana vwa Njambi kuli yetu.

1 Petulu 2:6

Omwo visoneka vyendeka ngwavyo, “Njinaangula limanya lya seo yakama, limanya lya mu mbango mu Siyone, co woshe uje akulaela kuli ikeye kakazivi shwamwa.”