Myaso 119:1 - Livulu lya Shukulu Kalunga

¹ Vanavezika vanu vaje vayoya mu vushunga, vanu vaje vononoka lishiko lya Shukulu Kalunga.

Myaso 119:1 Iomraidhean Croise

2 Samwele 22:22

Njinononoka lishiko lya Shukulu Kalunga, co kunjakengesele nima Njambi yange.

2 Vimyene 20:3

“Shukulu Kalunga, anuka ngeci yange njakupangela nakukukulaela na kulongwa, simbu yoshe njinakele nakulinga vije viwashakele ngeci njivilinge.” Co walilile manene.

Yombi 1:1

Kwakele munalume umo lizina lyendi Yombi, uje wakele mu lifuti lya Uze. Wapwile muka-vushunga na kulongwa, nakukomoka Njambi, nakulitenga ku vuvi.

Yombi 1:8

Shukulu Kalunga wehwile Satana ngwendi, “Unamono ngamba yange Yombi ndi? Kukwesi umo ano a kaye muka-vushunga na kulongwa, nakukomoka Njambi nakulitenga ku vuvi ngwe Yombi.”

Myaso 101:2

Njikayoya kuyoya kwakuvwa. Simbu ikajo ukaija kuli yange? Njikayoya mu njuvo yange na mbunge yakujela.

Myaso 101:6

Njikashakezeka vanu vaje va kulongwa kuli Njambi, njikavatava ngeci vakakale amo nange, voshe vaje venda mu ngila ya vushunga, vakapwa vanu vaka-kunjipangela.

Myaso 112:1

Shangazaleni Shukulu Kalunga! Navezika munu uje akomoka Shukulu Kalunga, munu uje avwaelela nakwononoka mashiko endi.

Myaso 128:1

Navezika munu uje ononoka Shukulu Kalunga, munu uje anyunga mashiko a Shukulu Kalunga.

Visimo 11:20

Shukulu Kalunga wazinda vanu vaka-vimbunge vyavivi, oloni azema vaje vaka-kulinga vya vushunga.

Visimo 13:6

Vushunga vunyunga uje kesi na mulonga, oloni vuvi vuwisa vaka-vuvi.

Visimo 29:18

Muyati wakujeneka kutwamenena kuli Njambi vanapu muyati wakujeneka lishiko, vavezika vanu vaje vanyunga lishiko lya Njambi.

Ezekiyele 11:20

Asinoni vakanyunga mashiko ange, nakwononoka vilongesa vyange vyoshe. Vakapwa vanu vange, nange njikapwa Njambi yavo.

Hoziya 14:9

Voshe vaje vaka-kunyanyama vazivuke vije vivanasoneka muno, nakuvinyunga mu mbunge. Vingila vya Shukulu Kalunga vyapwa vya vushunga, vaka-vushunga vayoya mu vikevyo, oloni vaka-vuvi vatanuka nakuwa omwo vavivyana.

Luka 1:6

Voshe vapwile vaka-vushunga ku mesho a Njambi, vendele mwamuvwa nakwononoka mashiko oshe a Shukulu Kalunga.

Luka 11:28

Oloni Yesu wamukumbulwile ngwendi, “Oloni vanavezika vaje vaziva lijwi lya Njambi nakulyononoka!”

Yowano 1:47

Omo Yesu wamwene Natanele alinakwija kuli ikeye, co wendekele vyendi ngwendi, “Ou ikeye kaIsalele wa vushunga, muli ikeye kumwesi makuli!”

Yowano 13:17

Nga mwazivuka vyuma evi, mukavezika nga mukavilinga!

Vilinga vya Miluwa 24:16

Ngecivene, njilinakulinga na nzili yange yoshe ngeci njikale na citaku-taku cakutungukwa ku mesho a Njambi na ku mesho a vanu.

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

Yakomba 1:25

Oloni woshe uje akengesesa a mashiko akujela aje akapatula vanu, co uje kawatolilila lika asinoni awevala, oloni awapangesa, munu uje Njambi akamuvezikisa mu vyoshe vije alinga.

Kujombolola 22:14

Vanavezika vaje vakusha vuzalo vwavo ngeci vujele, co vali na moko yakulya ku vushuka vwa muti wa mwonyo nakukovela mu vikolo vya mu nganda.