Myaso 117:2 - Livulu lya Shukulu Kalunga

² Omwo cizemo ca Shukulu Kalunga cije kucesi kutenguluka, capwa cakama kuli yetu, na kulongwa kwendi kwakala ku myaka yoshe. Shangazaleni Shukulu Kalunga!

Myaso 117:2 Iomraidhean Croise

Myaso 103:11

Ngwe omo muwapwa melu aje akala kulyala na asi, mukemwo mucafwa cizemo cendi cije kucesi kutenguluka kuli vaje vamukomoka.

Myaso 146:6

Ishamatanga uje watangele lilu, na asi na mema a kalunga na vyoshe vije vilimo. Ikeye muka-kunyunga cikulaeso cendi simbu yoshe,

Myaso 85:10

Cizemo cije kucesi kutenguluka nakukulaela vikaliwana amolika, co vushunga na kwoloka vikalivumbatela ngwe munu na musamba wendi.

Myaso 89:1

Yove Shukulu Kalunga, simbu yoshe njikaimba vya cizemo cove cije kucesi kutenguluka, co njikambulula kulongwa kwove ku myaka yoshe.

Isaya 25:1

Yove Shukulu Kalunga, yove wapwa u Njambi yange, njikakulemesa, nakushangazala lizina lyove. Omwo unalingi vyuma vyakukomokesa, a kulongwa kwove unamanesa matumbe awayongwele laja.

Mika 7:20

Ukamwesa kulongwa kwove na cizemo cove cije kucesi kutengulula ku vanu vove, vatekulwila va Avilahama, na Yakomba, ngwe muwakulaesele vakukulwila vetu ku san̄ulu.

Yowano 14:6

Yesu wamukumbulwile ngwendi, “Yange ngila, na vushunga, na mwonyo, naumo wai aya kuli Tate oloni kuvanga ali yange.

1 Yowano 5:6

Yesu Kilistu ikeye wezile na mema akumbwitika kwendi na maninga a kutsa kwendi. Kezile lika na mema, oloni wezile na vyoshe vivali mema na maninga.