Myaso 116:5 - Livulu lya Shukulu Kalunga

⁵ Shukulu Kalunga wapwa muka-ngozi na muka-vushunga, eyo, Njambi yetu wakala na mema ku mbunge.

Myaso 116:5 Iomraidhean Croise

Ezela 9:15

Yove Shukulu Kalunga Njambi ya Isalele, yove muka-vushunga, yove unatava ngeci yetu tuyoye. Tulitavela mulonga wetu kuli yove, kutwapandele kwimana ku mesho ove.”

Nehemiya 9:17

Vavyanene kukwononoka, co vevalele vyoshe vije viwalingile. Vevalele vikomokeso vije viwalingile. Mu kulyalesa kwavo, vaangwile ntwama ngeci avelwisile lalo ku vunzinda ku Ingito. Oloni yove wapwa Njambi muka-kusambesa, muka-ngozi na cizemo, kuwesi kuluvala vwasi. Kutetela kwove kwapwa kwakama, co kuwavasezele.

Nehemiya 9:31

Omwo ngozi yove yakama, kuwavasezele nambe kuvanyongesa. Yove Njambi muka-ngozi na mema ku mbunge!

Nehemiya 9:33

Yove walingile mwamuvwa kutuhisa, yove wapwa wa kulongwa, nameme twalingile vuvi.

Nehemiya 9:8

Yove wamwene ngeci ikeye wapwile wa kulongwa kuli yove, co walikumiiye cikumiiyo nendi. Wamukulaesele kumwana lifuti lya vaKanana, na vaHiti, na vaAmoli, na vaPelezi, na vaNjevushi, na vaNgilengashi, kupwa lifuti muje muvakakala vatekulwila vendi. Wanyungile cikulaeso cove, omwo yove wapwa wa kulongwa.

Myaso 103:8

Shukulu Kalunga ikeye wa ngozi na mema ku mbunge, kesi kuluvala vwasi, washula na cizemo cije kucesi kutenguluka.

Myaso 112:4

Ceke cikatwila mu lisusulungu kuli vaka-vushunga, omwo Shukulu Kalunga wapwa muka-ngozi, na mema ku mbunge na vushunga.

Myaso 115:1

Kuli yove lika Shukulu Kalunga, kuli yove lika, kesi kuli yetu, vanapande kwana vumpau, omwo cizemo cove cije kucesi kutenguluka, na kulongwa kwove.

Myaso 119:137

Yove wapwa u muka-vushunga Shukulu Kalunga, na mashiko ove lalo apwa a vushunga.

Myaso 145:17

Shukulu Kalunga wapwa wa vushunga mu vyuma vyendi vyoshe vyakalingi, wakala na mema ku mbunge mu vilinga vyendi vyoshe.

Myaso 86:15

Oloni yove Shukulu Kalunga u muka-kuzivila mema ku mbunge wapwa u Njambi wa ngozi na cizemo, kuwesi kuluvala vwasi, washula na cizemo cije kucesi kutenguluka, u Njambi wa vushunga.

Myaso 86:5

Omwo yove Shukulu Kalunga wapwa uwamuvwa kuli yetu u muka-kusambesa, washula na cizemo cije kucesi kutenguluka kuli voshe vaje valombela kuli yove.

Isaya 45:21

Ambululeni vin̄anda vyeni ku mbanja, vaje vashaka kulyamena valihule umo na mukwavo. Iya wambulwile vyuma vya ku san̄ulu ngeci vikalingiwe? Kuma kesi yange Kalunga, Njambi muka-kwamena vanu vendi ndi? Kukwesi njambi weka lalo wai.

Njelemiya 12:1

Yove Shukulu Kalunga, simbu yoshe wapwa u muka-vushunga, omo njinena n̄anda yange ku mesho ove. Nameme ngoco njinapande kukwihula a vushunga vwove. Omwo vikajo vaka-vuvi valinakuyoya mwamuvwa? Omwo vikajo vaka-vungungu vavezika?

Ndanyele 9:14

Yove Shukulu Kalunga Njambi yetu, walivwaeselele cimweja kutunyanyamesa, co walingilemo vene, omwo simbu yoshe ukalingi vije vinapu vya vushunga, oloni yetu kutwakutolililile.

Ndanyele 9:7

Yove Shukulu Kalunga, simbu yoshe wapwa u muka-vushunga, oloni yetu simbu yoshe tu vaka-kulinga vyuma vya shwamwa. Eci cinapu ca vushunga kuli yetu voshe tuli mu Yunda na mu Yelusalema, na vaIsalele voshe vaje vawashandwelele mu mafuti amuyehi naa a kulyala omo kuvakulaelele kuli yove.

Ndanyele 9:9

Yove wakala na mema ku mbunge, co u muka-kusambesa, nameme yetu tu vaka-kukutengulukila.

Efeso 2:4

Oloni Njambi wapwa muka-mema ku mbunge, co na cizemo cendi kuli yetu capwa cakama manene

1 Timateo 1:14

Co Mwene yetu wetilile ngozi yendi yakama ali yange nakunjana kukulaela na cizemo vije vinapu vyetu muli Kilistu Yesu.

1 Yowano 1:9

Oloni nga tulitavela vivi vyetu kuli Njambi, co Ikeye anyunga cikulaeso cendi nakulinga vije vya vushunga, ikeye akatusambesa ku vivi vyetu nakutujelesa ku vilinga vyetu vyoshe vyavivi.