Myaso 115:3 - Livulu lya Shukulu Kalunga

³ Njambi yetu ali mwilu, akalingi vyoshe vije ashaka.

Myaso 115:3 Iomraidhean Croise

1 Mizimbu 16:25

Shukulu Kalunga wapwa wakama, co vanapande kumushangazala, ikeye lika vanapande kusingimika kuhyana vinjambi voshe.

Yombi 23:13

“Ikeye kesi kutenguluka. Co naumo wai asa kumuyeluwisa, nambe kumuvindika vije vyashaka kulinga.

Myaso 103:19

Shukulu Kalunga natumbika litanda lyendi mwilu, ikeye mwene wa vyoshe.

Myaso 123:1

Njilinakukenga mesho kuli yove Shukulu Kalunga, njilinakukenga kwilu kuli yove, ku litanda lyove lije lili mwilu.

Myaso 135:6

Shukulu Kalunga akalingi vyoshe vije ashaka mwilu na ano asi, mu mema a kalunga na mu vinzinga vyoshe.

Myaso 2:4

Shukulu Kalunga uje wakala mwilu akavajola nakuvashendumuna.

Myaso 68:4

Imbeni kuli Njambi, imbeni nakushangazala lizina lyendi, vwaeseni ngila ya uje alinakwita mu mambo. Lizina lyendi ikeye Shukulu Kalunga, vwaeleleni ku mesho endi!

Isaya 46:10

Tunde ku vushangumukilo, njendekele vati vyuma muvikafwa, ku san̄ulu njendekele vya vuka-kwimanena a vyuma vije vikalingiwa. Njendekele ngwange matumbe ange nalumo lwai akonwa, ngeci njasa kulinga vyuma vyoshe vinjayongola kulinga.

Ndanyele 4:32

Vakakusheka kuli vanu, co ukakala amo na tusitu, ukalya mwila ngwe ngombe myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.”

Ndanyele 4:35

Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

Mateo 6:9

Omu mukemwo mumunapande kulomba, ngweni, ‘Tatetu uli mwilu, valemese lizina lyove,

Loma 9:19

Oloni umo weni endeka kuli yange ngwendi, “Nga cinapu ngacije, co Njambi asa kuwana vati mulonga wa munu na munu? Iyajo asa kukanangana cizango ca Njambi?”

Efeso 1:11

Vyuma vyoshe vilingiwa kupwisa ngwe ku vutumbe vwa Njambi na viyongola vyendi, co Njambi watwangwile kupwa tu vana vendi muli Kilistu omwo a vutumbe vwendi, vuje nsina yavwo ikeyo inapu vije vyayongwele tunde akulivanga.