Myaso 113:9 - Livulu lya Shukulu Kalunga

⁹ Shukulu Kalunga avezikisa mumba mu njuvo yendi, amuvwaelelesa akumwana vana. Shangazaleni Shukulu Kalunga!

Myaso 113:9 Iomraidhean Croise

Kushangumuka 25:21

Isake walombelele kuli Shukulu Kalunga ali munakazi wendi Lembeka, omwo Lembeka wapwile mumba. Co Shukulu Kalunga wazivile lilombelo lyendi ngeci Lembeka wakele na kafumba.

2 Vimyene 4:17

Oloni capwile ngacije vene ngwe mwendekele Elisha, akweta mungolosika a simbu ije vene, uje munakazi wakitile mwana wa munalume.

Myaso 68:6

Njambi akana njuvo yakukala kuli vaje vali avo lika, atundisa vinzinda nakuvavezikisa, oloni vaka-kumutengulukila vakakala mu mambo.

Isaya 54:1

Yelusalema, unafu ngwe munakazi wa vana, oloni ololo wasa kwimba nakutambeka nakujolela. Ololo ukakala na vana vavangi kutuvakana munakazi uje nashomboka simbu yakama.

Kulava 5:28

Oloni nga ikeye kaliviisile napu wakujela, kakasa kuvulumuka oloni akasa kukita vana.

Ngalatiya 4:27

Omwo visoneka vyendeka ngwavyo, “Vwaelela, yove munakazi wakujeneka vana! Tambeka nakujolela, yove kuwazivile mushongo wakukita mwana! Omwo uje munakazi ivasezele akakala na vana vavangi kutuvakana munakazi uje nashomboka simbu yakama.”

1 Samwele 2:5

“Vanu vaje valile mwamuvwa, ololo vanajeneka vyakulya, oloni vaje vakele na njala kuvesi lalo na njala. Mumba nakiti vana vatanu na vavali, oloni uje wakitile vavangi nasala mavoko-voko.