Myaso 112:6 - Livulu lya Shukulu Kalunga

⁶ Muka-vushunga kakonwa embwe, vakamwanuka ku myaka yoshe.

Myaso 112:6 Iomraidhean Croise

Nehemiya 13:22

Njashikile vaLevi ngeci valijelese, na kuya mukunyunga ku vikolo, nakumona ngeci Litangwa Lyakuhwima linapu lyakujela. Njanuke Yove Njambi, a eci lalo, njiteteleko omwo cizemo cove cakama manene.

Nehemiya 13:31

njavwaeselele cimweja vitale vyakupangesa akwenyeka n̄ombelo ije ivakanena a visimbu vije vanemika, na kuli vanu kunena milambu yavo ya vimbuto vyakulivanga, na vushuka vwakulivanga vuje vuvanateje. Anuka vyoshe evi, yove Njambi, nakunjivezikisa.

Myaso 125:1

Voshe vaje vakulaela kuli Shukulu Kalunga vanapu ngwe Munkinda wa Siyone, uje kuwasa kuninganga, oloni wakala ku myaka yoshe.

Myaso 15:5

Ikeye akakumwisa vimbongo vyendi kujeneka kwakao kakondweso, co ikeye kesi kutambula lizika-kanwa ngeci ahise uje kesi na mulonga. Ou woshe alinga vyuma evi, kakapelyangela embwe.

Myaso 55:22

Kundika tuyando twove kuli Shukulu Kalunga, co ikeye akakukwasa, ikeye kakatava muka-vushunga ngeci vamufungulule embwe.

Myaso 55:23

Oloni yove Njambi, ukombila kuti mapwepwe na vaka-makuli mu mbulu yakulova manene, kuvakayoyo kweta akati ka matangwa avo akuyoya embwe. Oloni yange njikakulaela kuli yove.

Myaso 62:2

Ikeye lika muka-kunjinyunga nakunjamena, ikeye cimpaka cange, co naumo wai akanjifungulula.

Myaso 62:6

Ikeye lika muka-kunjinyunga nakunjamena, ikeye cimpaka cange, naumo wai akanjifungulula.

Visimo 10:30

Vaka-vushunga simbu yoshe vakakala mwamuvwa, oloni vaka-vuvi kuvakakala mu lifuti.

Visimo 10:7

Vanu vaka-vushunga simbu yoshe vakavanuka ngwe civezikiso, oloni vaka-vuvi vakavevala.

VaHevelu 6:10

Omwo Njambi kesi kwonwa, ngeci evale vipangi vyeni vimwalingile, nambe cizemo cendi cimunamwesa omwo lizina lyendi, omo yeni mwakwasele vaka-kukulaela, na ololo mucili nakuvakwasa.