Myaso 110:4 - Livulu lya Shukulu Kalunga

⁴ Shukulu Kalunga wakulaesele, co kakatengulula viyongola vyendi lalo, “Yove ukapwa muka-kukombelela ku myaka yoshe, ngwe vuka-kukombelela vwa Melekizendeki.”

Myaso 110:4 Iomraidhean Croise

Kushangumuka 14:18

Melekizendeke, wapwile mwene wa ku Saleme, ikeye lalo wapwile muka-kukombelela kuli Njambi wa Akamwa ya Akamwa, wanenele makende na vinyu kuli Avilama.

Myaso 132:11

Yove wakulaesele Ndaviti, cikulaeso cije kuukevala ngwove,

Zakaliya 6:13

Ikeye akaitunga, co akatambula kasingimiko kanapande mwene, co ikeye akashwana vanu vendi. Co muka-kukombelela akemana ku litanda lyendi, Co vakapanga amolika mu kwoloka na mukulizivasana.’

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

VaHevelu 5:6

Co ikeye wendekele lalo mu mitambela yeka ngwendi, “Yove ukapwa u muka-kukombelela ku myaka yoshe, ngwe vuka-kukombelela vwa Melekizendeki.”

VaHevelu 6:20

kuje Yesu natutwamenako, co nakovelamo napu laja Muka-kukombelela Wakama wa ku myaka yoshe ngwe ku cifwa ca Melekizendeki.

VaHevelu 7:11

Mashiko a Njambi vawanene kuli vanu va Isalele! A futisi ya vaka-kukombelela vaLevi. Ololo, nga vipangi vya vaka-kukombelela vaLevi vyapwile vyavivwa, nga kukwasholokele lalo muka-kukombelela va muyati weka, uje ali mu mwela wa Melekizendeke, kesi wakulifwa na Alone.

VaHevelu 7:17

Omo visoneka vyendeka ngwavyo, “Yove ukapwa muka-kukombelela wa myaka yoshe, ngwe ku cifwa ca Melekizendeke.”

VaHevelu 7:21

Oloni Yesu vamupwisile Muka-kukombelela a ngila ya cisingo omo Njambi wendekele kuli ikeye ngwendi. “Shukulu Kalunga nalisingi, co kakatengulula viyongola vyendi, Yove ukapwa vene Muka-kukombelela ku myaka yoshe.”

VaHevelu 7:28

Lishiko lya Mosesa linemika vanu vaje vakuzeya kupwa vaka-kukombelela vakama, oloni cikulaeso ca Njambi cije valingile na cisingo, cezile munima ya Lishiko, cinemika Mwana, uje vanapwisa muka-vushunga ku myaka yoshe.

Kujombolola 1:6

co natupwisa vumwene vwa vaka-kukombelela mukupangela Njambi na Ishe. Kuli Yesu Kilistu kukale vumpau na nzili ku myaka yoshe! Ewa.