Myaso 109:26 - Livulu lya Shukulu Kalunga

²⁶ Yove Shukulu Kalunga Njambi yange njikwase, ija unjamene omwo cizemo cove cije kucesi kutenguluka.

Myaso 109:26 Iomraidhean Croise

Myaso 119:86

Mashiko ove oshe anapu a vushunga, njikwase Shukulu Kalunga, vanu vaka-makuli valinakunjipesa.

Myaso 40:12

Tuyando twatungi tunanjizengeleka kunjasa kutulava! Vivi vyange vinanjikakateya mbe, kunjasa kumona lalo embwe, vivi vyange vinatumu manene kutuvakana vin̄ambu vya ku mutwe wange, co mbunge yange inazeye.

Myaso 57:1

Njizivileko mema ku mbunge yove Njambi, omwo njiija kuli yove ngeci unjinyunge, ngwe mwakanyungu kazila vana vendi mu mambava, njitewela kuli yove, noo lihunzi lya mankimba akama linahu.

Myaso 69:13

Njilomba kuli yove Shukulu Kalunga, njikumbulule yove Njambi, a simbu ije iwunaangula, njikumbulule omwo cizemo cove cije kucesi kutenguluka, omo wanyunga cikulaeso cove nakwamena.

Myaso 69:16

Njikumbulule yove Shukulu Kalunga, omwo cizemo cove cije kucesi kutenguluka capwa cacivwa, nakutetela kwove kuje kwakama manene, njitolilile!

VaHevelu 5:7

Yesu Mukuyoya kwendi ano asi walombele nakwihula na kutambeka na lijwi lyakama na misozi kuli Njambi, uje wasele kumwamena ku kutsa. Omwo ikeye wapwile muka-kulikeesa na muka-kulyana, Njambi wamuzivile.