Myaso 109:23 - Livulu lya Shukulu Kalunga

²³ Njilinakuzimuka ngwe munzinze wa cingwezi, co njilinakupekumukila noku-noku ngwe limbili-mbili.

Myaso 109:23 Iomraidhean Croise

1 Mizimbu 29:15

Yove wazivuka, Shukulu Kalunga, mukuyoya kwetu yetu tunapu ngwe vindungo na vangenzi, ngwe muvapwile vakukulwila vetu. Matangwa etu anapu ngwe kwita kwa munzinze, co kutwasa kuputumuka ku kutsa.

Yombi 14:2

Tulinakukola nakujujwama vwasi ngwe vishani, co tuzimuka ngwe munzinze.

Myaso 102:12

Oloni yove Shukulu Kalunga wapwa u mwene ku myaka yoshe, visemwa vyoshe vakakwanuka.

Myaso 144:4

Munu napu ngwe muku, na matangwa endi akuyoya anapu ngwe munzinze uje ulinakwita.

Kutuuka 10:13

Ngecivene, Mosesa wajundwile mulamu wendi, co Shukulu Kalunga wahuwisile lihunzi lyakutunda mu ngangela lyahuhwile mu lifuti litangwa lyoshe na vutsiki vwoshe. Co ku mutondo lyanenele vimbimba mikumbi.

Kutuuka 10:19

Co Shukulu Kalunga watengulwile lihunzi lya mu ngangela kupwa lihunzi lyakama manene lya mu kangombe ka yambi, co lyakupekumwine vimbimba mikumbi nakuvalundumwina mu Linema lya Suwezi. Co kukwasalele lalo mbimba mukumbi umo mu Ingito mwoshe.

Muka-kwambulula 6:12

Vatijo munu azivuka vije vinapu vyavivwa ku munu simbu eyi yaindondo ya mwonyo wendi wangoco, mwonyo uje ulinakwita ngwe munzinze? Vatijo munu akasa kuzivuka vyuma vije vikalingiwa mu kaye omo ikeye natsi laja?

Muka-kwambulula 8:13

oloni vyuma kuvikapu vyavivwa kuli vaka-vuvi. Myonyo yavo inapu ngwe munzinze, co vakatsa omo vacili vavandondo omwo kuvesi kukomoka Njambi.”

Yakomba 4:14

Yeni kumwazivukile ngweni mwonyo weni ukafwa vati ku litangwa lya imene! Omwo yeni munapu ngwe mbundu, ije isholoka kasimbu kakandondo lika, co inyonga.