Myaso 109:22 - Livulu lya Shukulu Kalunga

²² Omwo nji kautu na muka-kujeneka, co mbunge yange inapokoka.

Myaso 109:22 Iomraidhean Croise

2 Vimyene 4:27

oloni omo wetele kuli Elisha a Munkinda, watsikamene a mavuli kulutwe lwendi, co wakwatele Elisha ku mendi. Ngehazi washakele kumunakula, oloni Elisha wendekele ngwendi, “Mwecele. Kuma yove kuwamwene ngeci ali na vusiwa vwakama manene ndi? Oloni Shukulu Kalunga kanjilekeleo cuma cimo.”

Yombi 6:4

Njambi Muka-nzili yoshe nanjasha mikili, ngeci vulembe vwayo vunajalakana mu muvila wange. Vyakujujwisa vya Njambi vilinakunjilwisa.

Myaso 102:4

Mbunge yange inazeye, co inomu cau ngwe mwila, nange kunjesi lalo na cizango cakulya vyakulya.

Myaso 109:16

Munu ou kakele na mema ku mbunge, oloni wayandesele nakutsiya tuutu na vaka-kujeneka, na vaka-kuzeya mu vimbunge.

Myaso 22:6

Oloni yange kunjapwile lalo nji munu, njinapu lika nji musonginyi, njinapu nji munu wakushauka, munu uje ivakayeluwisa vanu voshe!

Myaso 25:16

Tengulukila kuli yange yove Shukulu Kalunga, nakunjizivilako mema ku mbunge, omwo njili ange lika, co njinazeye.

Myaso 40:17

Shukulu Kalunga yange njapwa njiwakuzeya na kuutwa, oloni kuwanjivalele. Yove wapwa muyoyesi wange na Njambi yange, kesi wishwale mukunjamena.

Myaso 86:1

Njitolilile yove Shukulu Kalunga co kumbulula lilombelo lyange, omwo yange njikautu.

Isaya 53:3

Twamuyengwile nakumuvyana, wayandele nakuziva kuvavala. Naumo wai wakengele kuli ikeye, twamuyeluwisile ngwe kesi na seo.

Mateo 8:20

Yesu wamukumbulwile ngwendi, “Vimbanje vali na mena, co lalo tuzila vali na mashwa, oloni Muna Munu kesi naa akusatela mutwe wendi.”

Luka 22:44

Co omwo a tuyando twakama walombelele manene, co litukuta lyendi lyafwile ngwe maninga andwekelele asi.

Yowano 12:27

“Ololo mbunge yange ilinakuyanda, co njendeka vika? Njendeke ngwange, ‘Tate, njamene ku simbu eyi ndi’? Oloni evi vikevyo vinjezilile, ngeci njiite mu simbu eyi ya tuyando.

2 Kolinte 8:9

Omwo mwazivuka mema ku mbunge a Mwene yetu Yesu Kilistu, nambe wapwile muka-kufuka, oloni walilingisile kupwa muka-kuutwa vavenya omwo yeni, ngeci amipwise vaka-kufuka a vuutu vwendi.