Myaso 107:37 - Livulu lya Shukulu Kalunga

³⁷ Vanu vakuvile vimbuto mu mahya nakukuna mikolovozi ya vushuka vwa vinyu, co vatejele nakuungulula vimbuto vyavingi.

Myaso 107:37 Iomraidhean Croise

Kushangumuka 26:12

Co Isake walimine mu lifuti lije, a mwaka uje vene watejele vimbuto visimbu vyakupwa 100 ku vimbuto vije wakuvile, omwo Shukulu Kalunga wamuvezikisile.

Isaya 37:30

“Eci cikeco cimweso ca vije vikasholoka. Mwaka uno na mungolosika, mukalya lika vimbuto vyakulimenena mu shwata, oloni mungolosikulula mukalima tiliku nakuyiteja, co mukakuna mikolovozi ya vushuka vwa vinyu, nakulya vushuka vwakwo.

Isaya 65:21

Vanu vange vakatunga vinjuvo vyavo, co vakakuna vitungu vya mikolovozi ya vushuka vwa vinyu nakulya vushuka vwakwo.

Njelemiya 29:5

‘Tungeni vinjuvo, nakutumbama. Kuneni vyakulya mu mahya nakuvilya.

Njelemiya 31:5

Co lalo mukakuna mikolovozi ya vushuka vwa vinyu ku malundu a mu Samaliya, co vaje vaikuna vakalya vuje vushuka vukaimako.

Ezekiyele 28:26

Vakakala mu kwoloka. Vakatunga vinjuvo, co vakalima mahya a mikolovozi ya vushuka vwa vinyu. Njikahisa vandambo vavo voshe vaje vavashendumwine, co Isalele vakakala mu kwoloka. Asinoni vakazivuka ngwavo yange njapwa nji Kalunga Njambi yavo.”

Zakaliya 8:12

Vakakuna vimbuto vyavo mu kwoloka. Co miti yavo ya mikolovozi ya vushuka vwa vinyu ikaima vushuka, livu likakala na vwilo mukutuwisa vimbuto, co kukakala nyonzi yaingi. Vivezikiso vyoshe evi njikavyana kuli vanu va ku muyati wange vaje vanasalao.

Vilinga vya Miluwa 14:17

Oloni visimbu vyoshe waanene vukaleo vwakukala kwendi vavenya a vyuma vyavivwa vije vyakalingi, co akamyana nyonzi yakutunda mwilu na vimbuto a simbu yaivwa, akamyana vyakulya nakushulisa vimbunge vyeni nakuvwaelela.”

1 Kolinte 3:7

Ngecivene, uje akuna nambe uje atukumwina kuvesi na vulemu vwai. Oloni vulemu vuli kuli Njambi, omwo ikeye muka-kumenesa mbuto.

2 Kolinte 9:10

Co Njambi, uje mukakwana vimbuto vyakukuva na likende lyakulya, ikeye lalo akamyana vimbuto vyoshe vije munajeneka, co akavikulisa, akamyana kuteja vyavingi manene kutunda ku vungulu vweni.