Myaso 106:40 - Livulu lya Shukulu Kalunga

⁴⁰ Ngecivene, Shukulu Kalunga waluvalele na vanu vendi, co wazivile vunyengwe omo vakevo.

Myaso 106:40 Iomraidhean Croise

1 Vimyene 11:25

Ikeye wapwile citozi ca Isalele simbu yoshe yakuyoya kwa Solomoni.

Myaso 74:1

Omwo vikajo unatusezela yove Njambi? Kuma ukaluvala na vanu vove ku myaka yoshe ndi?

Njelemiya 12:7

Shukulu Kalunga alinakwendeka ngwendi, “Njinaseze vaIsalele, njinavyana muyati wange wakwangula. Njinaana vanu vaje vanjazema mu mavoko a vitozi vavo.

Mbimbi 2:7

Shukulu Kalunga wasezele mutula wendi, nakuseza lalo Njuvo yendi yakujela, ikeye watavele vitozi kusiwula vivumbe vyayo. Vitozi valingile muyoyo mu Njuvo ya Shukulu Kalunga, ngwe a litangwa lya ciwano.

VaLevi 20:23

Co kesi mukakavangeye vilinga vya vanu vaje valinakukala muje. Njilinakushekamo vaje vaka-kujeneka kunjikulaela yange Kalunga, ngeci mwase kukovela mu lifuti lije. Vakevo vananjizivisa shwamwa manene a vilinga vyavo vyoshe vyavivi.

VaLevi 26:30

Njikanyongesa myela yeni yakulemesela a malundu, nakusiwula mitula yeni ya insense, co njikombangela vivimbi vyeni a tumponya tweni twakuwa twa mwonyo. Co mukapwa va vunyengwe ku mesho ange.

Zakaliya 11:8

Kunjasimpile na vamo tunyungi vakwavo vatatu, vaje vanjizindile, co voshe njavatundisile mu ngonde imolika.

Kwituluka mu Mashiko 32:19

“Omo Shukulu Kalunga wamwene evi, co waluvalele, omwo vana vendi va vanalume na ava va vanakazi vamushangumwine.

Kwituluka mu Mashiko 9:29

Omwo ava vakevo vanu vove na vushwana vwove, vanu vaje vawaangwile kupwa vove. Wavatundisile mu Ingito na nzili yove yakama, na livoko lyove lyakwolola.’

Maako 2:14

Ngecivene, Shukulu Kalunga waluvalele manene na vaIsalele, co wavakundikile ku mavoko a vezi vaje vevile vyavo. Co Shukulu Kalunga wavakundikile ku vitozi vavo vaje vavazengelekele, ngeci kuvasele lalo kwimana ku mesho a vitozi vavo.

Maako 2:20

Ngecivene, Shukulu Kalunga waluvalele manene na vaIsalele nakwendeka ngwendi, “Omwo muyati wa vanu ava vanapokola cikumiiyo cije njalikumiiye na vakukulwila vavo, co vakevo kuvanjononokele,

Maako 3:8

Ngecivene, Shukulu Kalunga waluvalele na vaIsalele, co wavakundikile ku mavoko a Mwene Kushane Lishataime wa ku Mesopotamya, co vapwile vinzinda vendi myaka itanu na itatu.