Myaso 106:39 - Livulu lya Shukulu Kalunga

³⁹ Valiviisile na vilinga vyavo evi, co kuvapwile va kulongwa kuli Njambi.

Myaso 106:39 Iomraidhean Croise

Kutuuka 34:16

Co omo vana veni va vanalume vakambata vana vavo va vanakazi, co vakavatangula kukulaela kwavo, co vakalemesa vinjambi vavo.

Isaya 59:3

Vyendeka vyeni vinashulu na makuli na matumbe a muuka, na mavoko eni anashulu na maninga.

Ezekiyele 20:18

Oloni njanangwile vakwenje akati kavo ngwange, ‘Kesi munyunge mashiko aje valingile vakukulwila veni, kesi mukavangeye futisi yavo nambe kulijwalesa na tumponya twavo.

Ezekiyele 20:43

Asinoni mukanuka vyuma vyoshe vya vunyengwe vimwalingile na muje mumwalijwalesele. Mukaziva vunyengwe omwo vyuma vyoshe vije vyavivi vimwalingile.

Ezekiyele 22:3

Leka nganda vije vinjendeka yange Kalunga wa Akamwa ya vyoshe ngwove, ‘Yelusalema, yove unapu nganda ije ilinakutsiya vanu vaje valinakukalamo, omwo ulinakulijwalesa akulemesa tumponya, simbu yove inete.

Ezekiyele 36:17

“Muna munu, omo vaIsalele vayoyelele mu lifuti lyavo, co valijwalesele a ngila ije vayoyelelemo na a vilinga vyavo. Njakengele akuyoya kwavo ngeci kwapwile kwa futisi yakujwala, ngwe munakazi uje kakwata ku liko.

Hoziya 9:1

Vanu va mu Isalele, likeleni kulinga viwano vyeni vyakulisamba ngwe vaka-kujeneka kukulaela. Munatengulukila kweka nakutunda kuli Njambi yeni, co kumwapwile va kulongwa kuli ikeye. Co mu lifuti mwoshe munalilandesa yeni vavenya ngwe vikwizi kuli Mbale nakuzema vimbuto vije mwayongwele ngweni ikeye wamifwetelevyo!

VaLevi 17:7

Vanu va Isalele vanapande kupwa va kulongwa kuli Shukulu Kalunga. Kuvapandele kutsiila vimuna vavo mushandangala yangoco, nakukombelela vin̄ombelo ku minzinzime yakujwala ije yakulifwa na vimembe. Vanu va Isalele vanapande kunyunga lishiko eli ku visemwa vyavo vyoshe vya kulutwe.

Kulava 15:39

Vinzombo evi vikevyo vikamyanukisa mashiko ange oshe, co mukawononoka, kumukatengulukila lalo kweka kutunda kuli yange nakukava vizango vyeni na mashungu eni.