Myaso 105:9 - Livulu lya Shukulu Kalunga

⁹ Ikeye akanyungu lizivasano lije lyalingile na Avilahama, nakunyunga lalo cikulaeso cendi kuli Isake.

Myaso 105:9 Iomraidhean Croise

Kushangumuka 12:7

Shukulu Kalunga washolokele kuli Avilama, co wendekele kuli ikeye ngwendi, “Eli likelyo lifuti njikana kuli vatekulwila vove.” Co kuje vene Avilama watungile mutula wa Shukulu Kalunga, uje washolokele kuli ikeye.

Kushangumuka 17:2

njikalikumiiya cikumiiyo nove, co njikatumisa vatekulwila vove.”

Kushangumuka 26:3

Kala kuno vene, co yange njikakala amo nove, njikakuvezikisa. Njikana lifuti eli lyoshe kuli yove na kuli vatekulwila vove. Co njikanyunga cikumiiyo cange cije njalikumiiye na isho Avilahama.

Kushangumuka 28:13

Asinoni Yakomba wamwene Shukulu Kalunga nemana kuyehi nendi, co wendekele ngwendi, “Yange njapwa Kalunga, Njambi ya Avilahama na Isake. Njikana kuli yove na kuli vatekulwila vove lifuti eli muunalala.

Kushangumuka 35:11

Co Njambi wendekele kuli ikeye ngwendi, “Yange Njambi Muka-nzili yoshe. Semunwina mukatume, muli yove mukatunda miyati yaingi, co ukapwa kukulwila ya vimyene.

2 Vimyene 13:23

oloni Shukulu Kalunga wakele na ngozi na mema ku mbunge ali vakevo. Ikeye kavecelele ngeci vavanyongese embwe, oloni wavakwasele omwo ya cikumiiyo cendi kuli Avilahama na Isake na Yakomba. Ikeye kevalele vanu vendi embwe.

Nehemiya 9:8

Yove wamwene ngeci ikeye wapwile wa kulongwa kuli yove, co walikumiiye cikumiiyo nendi. Wamukulaesele kumwana lifuti lya vaKanana, na vaHiti, na vaAmoli, na vaPelezi, na vaNjevushi, na vaNgilengashi, kupwa lifuti muje muvakakala vatekulwila vendi. Wanyungile cikulaeso cove, omwo yove wapwa wa kulongwa.

Kutuuka 2:24

Njambi wazivile kukemanga kwavo, wanukile cikumiiyo cendi na Avilahama, na Isake, na Yakomba.

Njelemiya 11:5

Asinoni njikanyunga cikumiiyo cije njalikumiiye na vakukulwila veni, ngeci njikavana lifuti lyalivwa nevi vyakujenekamo vyai, muje mumuli nakukala ololo.” Co njakumbulwile ngwange, “Ewa Shukulu Kalunga.”

Vilinga vya Miluwa 7:8

Asinoni Njambi waanene Avilahama cilika cakutuuka kupwa cimweso ca cikumiiyo. Ngecivene, Avilahama watuwile Isake omo kuneti matangwa atanu na atatu kutunda akusemuka kwendi, co Isake watuwile munendi Yakomba, co Yakomba watuwile vana vendi likumi na vavali, vakukulwila vakutsimana va muyati wetu.

Ngalatiya 3:17

Evi vikevyo njinayongola, Njambi walingile lizivasano na Avilahama nakumukulaesa kulinyunga. Mashiko, aje avanene omo kwetile myaka 430, kuwasa kupokola lije lizivasano nakuzimangana cikulaeso ca Njambi.

VaHevelu 6:17

Njambi omo washakele kucisholola mwamuvwa kuli vaje vashakela kutambula cikulaeso cije, co wakulaesele ngeci kashaka lalo kutengulula vutumbe vwendi, ngecivene, wawezeleleleko lalo kulisinga ku cikulaeso cendi.