Myaso 105:16 - Livulu lya Shukulu Kalunga

¹⁶ Shukulu Kalunga watumine njala ya lyangengela mu lifuti lyavo, co mu lifuti mwoshe kumwakele vyakulya.

Myaso 105:16 Iomraidhean Croise

Kushangumuka 41:54

ngeci ije myaka itanu na ivali ya njala ya lyangengela yashangumukile, ngwe muje vene mwendekele Yosefa. Co kwakele njala ya lyangengela mu mafuti oshe eka, oloni vyakulya vyakele lika mu Ingito mwoshe.

Kushangumuka 47:13

Ngecivene, njala ya lyangengela yaamene manene, kukwakele vyakulya mu lifuti lyoshe, vanu va mu Ingito na mu Kanana vakonyele na njala.

Kushangumuka 47:19

Kesi tulanduke ku njala, tulande yetu na mahya etu na vyakulya. Tulande na livu lyetu mukulandakana na vyakulya. Co tukapwa vindungo va mwene, ikeye akafuka livu lyetu. Twane tiliku ituyoyese na mbuto tukuve mu mahya etu.”

2 Vimyene 8:1

Elisha walekele munakazi wa mu Shuneme, uje wakele na mwana yendwile ku vatsi ngwendi, “Katuka uye na naanga yove kwoshe kuje mukalishukila, omwo Shukulu Kalunga akatuma njala ya lyangengela mu lifuti, ikakalako myaka itanu na ivali.”

Myaso 104:15

nakulima lalo vinyu ngeci vivwaelelese mbunge ya munu, na mazi a olive akulikwita ku mesho endi, na likende ngeci limwane nzili.

Isaya 3:1

Shukulu Kalunga, Muka-nzili yoshe, natundisa vyuma vyoshe na vanu voshe vaje vavakulaela mu Yelusalema na mu Yunda. Ikeye akavanyeka vyakulya vyavo na mema avo,

Ezekiyele 4:16

Co wendekele ngwendi, “Muna munu, njitepulula ku makende a Yelusalema. Vanu va mu Yelusalema vakapeselesa vyakulya vije vakalya na mema aje vakanwa.

VaLevi 26:26

Njikatepulula ku vyakulya vyeni. Ngeci vanakazi likumi voshe vakocela makende avo a liko limolika, co vakamipangezelawo, oloni omo munamanesa kuwalya oshe, anga mucikaziva njala.

Amose 3:6

Kuma lupembo lwa nzita lwasa kwimba ngoco mu nganda kujeneka vanu kuziva lyova ndi? Kuma vukalu vwasa kwija ngoco mu nganda nga Shukulu Kalunga kavutumine ndi?

Hangai 2:17

Njatumine litanya na nyonzi ya mamanya mukuviisa vyuma vyoshe vije mwakunine, oloni nameme ngoco kumwatengulukile.

Vilinga vya Miluwa 7:11

Asinoni kwakele njala ya lyangengela mu lifuti lyoshe lya Ingito na mu Kanana, co njala ije yanenele tuyando twakama. Co vakukulwila vetu kuvasele kuwana vyakulya,

Kujombolola 6:8

Njakengele, co kwasholokele kavalu wakutokoloka. Uje walondeleo vamulukile lizina ngwavo Kutsa, co Vukalo vwa Vatsi vwamukavele kuyehi munima. Vavaanene nzili akamwa ya mutambela umo wa mitambela iwana ya ano asi, ngeci vatsiye na moko ya mukwale na njala ya lyangengela na mishongo na vikashama.