Myaso 104:4 - Livulu lya Shukulu Kalunga

⁴ Lihunzi walipwisa miluwaa vove, co milangi ya tuhya yapwa vangamba vove.

Myaso 104:4 Iomraidhean Croise

2 Vimyene 2:11

Vakele nakusimutwiya oku valinakwenda, co vwasi-vwasi kwezile litemba lya tuhya lije livakokele tuvalu va tuhya, co Elinja vamutwalele mwilu na kakundu-kundu.

2 Vimyene 6:17

Asinoni Elisha walombelele ngwendi, “Shukulu Kalunga, tonesa mesho endi, ngeci amone!” Co Shukulu Kalunga wakumbulwile lilombelo lyendi, co ngamba ya Elisha wakengele akamwa ya lilundu, wamwene ngeci ashulile na tuvalu na matemba a tuhya oshe azengelekele Elisha.

Myaso 148:8

muhyato na nyonzi ya mamanya, mema akukonda na mashelwa, lihunzi lyakama lije lyononoka kushika kwendi!

Ezekiyele 1:13

Mukati ka vaje vikashama mwakele cuma cimo cakulifwa ngwe mutetango, uje wakele nakwenda-enda. Tuhya twakele nakushukuma, nakwezoka milangi ya vishashe.

Zakaliya 6:5

Wanjikumbulwile ngwendi, “Awa anapu mahunzi awana, anatundu ku mesho a Shukulu Kalunga wa ano asi oshe.”

Vilinga vya Miluwa 23:8

(Omwo vaSanduki vendeka ngwavo vanu kuvakasanguka ku vatsi, co lalo kukwesi tungelo nambe minzinzime, oloni vaFaliseo vakulaela mu vyuma vyoshe evi vitatu.)

VaHevelu 1:14

Tungelo vapwa vikajo? Vapwa minzinzime vaje vakapangela Njambi, co avatuma mukukwasa vaje valinakutambula kwovoka.

VaHevelu 1:7

Oloni kuli tungelo Njambi wendekele ngwendi, “Njambi napwisa tungelo twendi lihunzi, co ikeye napwisa vangamba vendi milangi ya tuhya.”