Myaso 104:34 - Livulu lya Shukulu Kalunga

³⁴ Shukulu Kalunga avwaelele na visinganyeka vyange, omwo njijolela muli ikeye.

Myaso 104:34 Iomraidhean Croise

Kushangumuka 24:63

Co Isake watuukile a simbu ya cingwezi, nakwimazala ku mahya, co kenga, wamwene tumelo valinakwija.

Myaso 1:2

Oloni ikeye avwaelela mukwononoka lishiko lya Shukulu Kalunga, co aliyongola mutanya na vutsiki.

Myaso 105:3

Vwaeleleni mu lizina lyendi lyakujela, vimbunge vya vaje vashakezeka Shukulu Kalunga vijolele.

Myaso 119:111

Mashiko ove apwa vushwana vwange ku myaka yoshe, akewo anapu kuvwaelela kwa mbunge yange.

Myaso 119:167

Njizema nakwononoka mashiko ove, na mbunge yange yoshe.

Myaso 32:11

Vwaeleleni nakujolela yeni vaka-vushunga, omwo vije vyanalingi Shukulu Kalunga! Tambekeni nakujolela yeni vaka-kumwononoka!

Myaso 35:9

Asinoni njikajolela muli Shukulu Kalunga, co njikavwaelela omwo nanjamena.

Myaso 77:12

Njikanuka vipangi viwunalingi, nakuyongola vilinga vyove vyoshe vya nzili.

Myaso 9:2

Njikaimba nakujolela omwo yove, njikaimba nakushangazala Njambi Muka-nzili yoshe!

Visimo 24:14

Unapande kuzivuka ngeci mukemwo muwanafu mana ku mwonyo wove. Nga ukala na mana, co cinyangavili cove kucikahu.

Luka 1:47

mwonyo wange uvwaelela omwo Njambi Muyoyesi wange,

Filipu 4:4

Joleleni muli Mwene simbu yoshe, njicendekamo lalo ngwange, joleleni!

Kujombolola 10:10

Co njanonele kaje kalivulu kakandondo mu livoko lyendi nakukalya, co kapwile kakupwelelela mu kanwa kange ngwe vuki. Oloni omo njinakali, co katengulukile kupwa kakulula mwimo lyange.