Myaso 103:2 - Livulu lya Shukulu Kalunga

² Mbunge yange ishangazale Shukulu Kalunga, co kesi wivale vivezikiso vyendi vyoshe.

Myaso 103:2 Iomraidhean Croise

2 Mizimbu 32:25

Oloni Hezekiya walyalesele manene, kamwesele kasingimiko a vije vyamulingilile Shukulu Kalunga, ngecivene, vukalu vwa Shukulu Kalunga vwezile ali ikeye na a Yunda na a Yelusalema.

Myaso 105:5

Anukeni vizivukiso vije vyalingile Njambi nakusompa kuje kwaanene.

Myaso 106:21

Vevalele Njambi uje wavamenene, Njambi uje wapangele vikomokeso vyakama mu Ingito.

Myaso 106:7

Omo vakukulwila vetu vakele mu Ingito, kuvazivukile vilinga vyakukomokesa vya Shukulu Kalunga, vevalele vukama vwa cizemo ca Shukulu Kalunga cije kucesi kutenguluka, co vakutengulukilile yove Njambi Muka-nzili yoshe kuje ku Lishali Lyakuvenga.

Myaso 116:12

Cuma mukajo cinjikana kuli Shukulu Kalunga, omwo avivezikiso vyendi vyoshe kuli yange?

Isaya 63:1

“Iyajo ou alinakwija atunda ku nganda ya Mbozile mu Endome nazala vuzalo vwavuvwa manene vwakuvenga? Ou alinakuya kulutwe na nzili?” “Ikeye Shukulu Kalunga, uje ali na nzili yakwamena, alinakwija mukwambulula kuhyana kwendi.”

Isaya 63:7

Njikambulula vya cizemo cije kucesi kutenguluka, ca Shukulu Kalunga, njikamushangazala a vyoshe vije vyanatulingila. Navezikisa manene vanu va Isalele, omwo yakutetela kwendi na cizemo cije kucesi kutenguluka.

Kwituluka mu Mashiko 32:18

Co vevalele Njambi yavo, muyoyesi wavo ikeye muka-nzili, uje wavanene mwonyo.

Kwituluka mu Mashiko 32:6

Kuma eyi ikeyo ngila imukapangesa nayo kuli Shukulu Kalunga ndi? Eni vikolokomba vakujeneka mana! Ikeye ishweni, uje wamitangele, ikeye wamipwisile muyati.

Kwituluka mu Mashiko 6:12

Ngecivene, nyanyameni kutewa mukevale Shukulu Kalunga uje wamitundisile mu Ingito kuje yeni mwapwile mu vindungo.

Maako 5:2

Shangazaleni Shukulu Kalunga! Omwo vana va vimyene mu Isalele vatwamene kulutwe, omwo vanu valyanene na cizango vakevo vavenya.

Maako 5:9

Mbunge yange ili amo na vana va vimyene va mu Isalele, vaje valyanene vakevo vavenya na cizango akati ka vanu. Shangazaleni Shukulu Kalunga!